TikTok Avropada da bloklana bilər
Sosial Media
02.05.2024
Brilyant Rasulova
Keçən həftə ABŞ prezidenti Joe Biden öz ölkəsinin ərazisində TikTok-un bloklanmasına dair qanun layihəsini imzaladı. Dünən isə məlum oldu ki, Türkiyənin Milliyətçi Hərəkat Partiyası TikTok-un Türkiyədə də bloklanmasına hədəflənmiş qanun layihəsi üzərində çalışır. Yeni məlumata əsasən TikTok təkcə ABŞ ilə Türkiyədə deyil, həmçinin Avropada da bloklana bilər. Belə ki, Niderlandın Maastrixt adlı şəhərində keçirilmiş debatlar çərçivəsində Avropa Komissiyasının prezidenti Ursula von der Leyen bildirib ki, TikTok-un Avropada bloklanması istisna deyil.
Bununla yanaşı von der Leyen qeyd edib ki, Avropa Komissiyası öz əməkdaşlarının iş cihazlarında TikTok-u qadağan etmiş ilk təşkilat olub. Bu isə öz növbəsində komissiyanın TikTok ilə bağlı potensial təhlükələri dərk etdiyini göstərir. Əgər vəziyyət daha da gərginləşsə, TikTok ABŞ və Avropada bloklanma səbəbilə öz istifadəçi kütləsinin böyük bir hissəsini itirəcək. Digər tərəfdən isə əgər ByteDance şirkəti hökumətlərin narahatlıqlarını aradan qaldırmaq məqsədilə TikTok-u satmaq qərarını versə, nəticə etibarilə o, külli miqdarda vəsait itkisi ilə qarşılaşa bilər. Qeyd etmək lazımdır ki, bu məşhur platforma Avropa ilə artıq konflikt vəziyyətindədir. Belə ki, Avropa Komissiyası TikTok Lite tətbiqindəki mükafatlandırma sistemi səbəbi ilə platforma barəsində istintaq aparır.
Linki kopyala
Bənzər xəbərlər
Oxşar xəbərlər
TikTok-un Türkiyədə qadağan edilməsinə dair qanun layihəsi hazırlanır
TikTok-un Türkiyədə qadağan edilməsinə dair qanun layihəsi hazırlanır
Dünyanın ən məşhur sosial platformalarından biri olan TikTok Türkiyədə qadağan edilə bilər.
ByteDance şirkəti TikTok-u amerikalılara satmaq niyyətində deyil
ByteDance şirkəti TikTok-u amerikalılara satmaq niyyətində deyil
Dünən məlum oldu ki, ABŞ prezidenti Joe Biden, TikTok-un ABŞ ərazisində bloklanmasına istiqamətlənmiş qanun layihəsinin sənədini imzalayıb.
Joe Biden TikTok-un ABŞ ərazisindaə bloklanması qanununu imzalayıb
Joe Biden TikTok-un ABŞ ərazisindaə bloklanması qanununu imzalayıb
Dünən məlum oldu ki, ABŞ Konqresinin Nümayəndələr palatasının ardınca ABŞ Senatı da TikTok-un ABŞ ərazisində bloklanmasına hədəflənmiş qanun layihəsinin qəbulunu təsdiqləyib.
TikTok-un ABŞ-da bloklanması qanunu ABŞ Senatı tərəfindən təsdiqlənib
TikTok-un ABŞ-da bloklanması qanunu ABŞ Senatı tərəfindən təsdiqlənib
Bu həftənin əvvəlində məlum oldu ki, ABŞ Konqresinin Nümayəndələr palatası TikTok-un ABŞ ərazisində qadağan edilməsinə istiqamətlənmiş qanun layihəsini təsdiqləyib.
Bir TikToker üzərində yol nişanının şəkli olan köynək geyinərək insansız taksiləri trollayıb! (Video)
Bir TikToker üzərində yol nişanının şəkli olan köynək geyinərək insansız taksiləri trollayıb! (Video)
ABŞ-da yaşayan bir TikToker üzərində yol nişanının şəkli olan köynək geyinərək avtonom avtomobilləri trollayıb və bu anları öz sosial media hesabında paylaşıb.
Həftənin xəbərləri
