Ağıllı zibil qutuları istehsal edəcək startap
Digər
07.05.2017
Farid Pardashunas
Fransa startapı Uzer yeni startap layihəsi olan "ağıllı” zibil qutusunu təqdim
edib. Yeni "ağıllı” zibil qutusu bir qədər qəribə səslənsə də funksionallığı
heç də az deyil. Belə ki, Eugene adlı qutu hansı əşyaları atıb, hansıları
saxlamaq haqda sizi xəbərdar edir. Bundan əlavə Eugene atılan zibilin
statistikasını sizin telefonunuza göndərir. Atılan zibilə görə sizə evinizdə
alış-veriş siyahınızı tərtib etməkdə yardımçı olur. "Ağıllı” zibil qutusu hətta sizin əvəzinizə də
sifariş verə bilir.
Bundan əlavə "ağıllı” zibil qutusunun əsas
müsbət tərəfi yenidən emal olunan və olunmayan əşyaları təyin edə bilməsidir. Belə ki,
qutunun ön hissəsində yer alan ştrix-kod bunu təyin etməkdə sizə yardımçı
olacaq. Siz atmaq istədiyiniz əşyanı ştrix-koda yaxınlaşdıraraq onun hansı hissəyə atılacağını öyrənirsiniz. Hansı hissə
deyirik, çünki zibil qutusu 2 hissədən təşkil olunub.
Bu qutular ekoloji cəhətdən çox yararlı
hesab oluna bilər. Çünki, təbiətə atılan bir sıra zibil saydığımız artıqlar əslində
sonradan emal olunaraq yenidən istifadəyə yararlı hala gətirolə bilər. Təbii ki, bu
zibil qutusu da digər ağıllı vasitələr kimi internetə bağlı istifadə
olunmalıdır. Bunun üçün tətbiq də mövcuddur.
Xatırladaq ki, bu zibil qutusu
ilkin prototip olub, 299$ ilkin məbləğ
olaraq təyin olunub.
Fransa bu ekoloji yeniliklərə üstünlük verən
bir ölkə olmaqla yanaşı, bir müddət əvvəl plastik qabların istehsalını
dayandıracağını açıqlamışdı.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Galaxy C seriyası geri qayıtdı: Samsung Galaxy C55 5G smartfonu təqdim edilib - QİYMƏTİ