Alimlər ilk süni mədəaltı vəzi yaradıblar

Kembric Universitetinin alimləri dünyada Android smartfon vasitəsilə çalışan ilk süni mədəaltı vəzini yaradıblar.

Cihaz şəkər xəstəliyindən əziyyət çəkən insanaların qanındakı qlükozanın miqdarını ölçmək üçün nəzərdə tutulub. Süni mədəaltı vəz insulin nasosu, qlükometr və qəbuledicidən ibarətdir. "Technote.az”ın "Popmech.ru”a istinadən verdiyi xəbərə əsasən süni mədəaltı vəzdə olan bu komponentlər Android smartfon vasitəsilə çalışır. Qlükometr qandakı şəkərin miqdarını real vaxtda ölçür. Nasos isə zərurət olduqda lazımı insulin miqdarını ifraz edir. Nəticədə şəkər xəstəliyindən əziyyət çəkən insanlar qlükozanın miqdarını ölçərək özləri insulinin miqdarını təyin etməkdən azad olacaqlar. Həmçinin bu sistem hətta xəstə yatdığı zaman belə dayanmadan çalışa bilər. Alimlərin sözlərinə əsasən bu cür mədəaltı vəzilər artıq gələn il təqdim olunacaq.