Dünyanın ən böyük online alış-veriş servisi olan Amazon, Yaxın şərqdə fəaliyyət göstərən digər online alış-veriş servisi Souq-u aldı.

Məlumata əsasən müqavilənin, bu il ərzində bağlanacağı gözlənilir. Müqavilənin qiyməti və digər maliyyə məsələləri barədə məlumatlar açıqlanmayıb. Məlumata əsasən Souq, ilk öncə Amazon ilə öz səhmlərinin 30%-nin satışı barədə danışıqlar aparırdı. Lakin sonradan şərtlər dəyişdi və Souq servisinin tamamilə alınması qərarı verildi. Bir çox məlumatlara əsasən bu müqavilənin qiyməti 650 milyon dollar təşkil edir. Amazon-un vitse-prezidenti Russ Grandinetti bildirib ki, şirkət, Souq-a öz texnologiya ə resurslarını təqdim edəcək. Souq-un CEO-su Ronaldo Mouchawar isə öz növbəsində qeyd edib ki, Amazon sayəsində Souq öz məhsullarının çeşidliyi və onların çatdırılması imkanlarını daha üst səviyyəyə qaldıracaq. Qeyd etmək lazımdır ki. Souq, 2005-ci ildə Dubayda, Yaxın şərqin ilk online alış-veriş servislərindən biri kimi yaradılmışdır. Məlumata əsasən yarandığı gündən bu yana şirkət, 425 milyon dollar investisiya cəlb etmişdir.

Linki kopyala

Bənzər xəbərlər

Oxşar xəbərlər

Həftənin xəbərləri

YouTube öz yeni dizaynını test etməyə başlayıb

Telegram-ın yaradıcısı Pavel Durov geniş müsahibə verib (VİDEO)