Apple ilə Microsoft arasındakı gizli müharibə. Kim qalib gələcək?
Elm & Texnologiya
07.05.2017
Farid Pardashunas
Kompüterlərin erası artıq yavaş-yavaş sona çatır. 2007-ci
ildə iPhone işıq üzü görəndə biz rahat sensor idarəli və gündəlik tələbatımızı
ödəyə biləcək gücə sahib yeni cihaz əldə etdik. Bütün bu funksiyalar cib
formatında idi. Yəni bu imkanları biz cibimizdə gəzdirə bilərdik. Hal-hazırda
isə biz texnoloji sahədə yeni inqilabın astanasındayıq. Həmin texnoloji
inqilaba Amazon Echo, Google Chromecast, Microsoft HoloLens, Oculus Rift və s.
kimi layihələri gətirmək olar. Əslində onlar da kompüterlərdir. Lakin daha fərqli
formatda. Yəni "kompüter” sözü artıq bizə tanış olan noutbook və ya prosessor
deyil. Hər şeyin anlamı genişlənir. Hal-hazırda Microsoft və Apple üçün mürəkkəb
zaman dövrüdür. Hər iki şirkət uzun illər idi ki, müxtəlif cihazlar və proqram
təminatları yaradırdılar. Lakin indi onlar düşünürlər ki, dünya hansı istiqamətdə
gedir və onu necə inkişaf etdirmək lazımdır.
Apple:
Çox gəlirli şirkət olan Apple Microsoft-un fonunda olan
bazarın kiçik bir hissəsinə sahibdir. Smartfonlar aləmində Google-ın Android-i
liderliyi saxlayaraq ildən-ilə öz inkişafını böyüdür. Bununla yanaşı Android
IOS-in gələcəyi üçün böyük təhlükədir. Belə ki, müxtəlif sahələr üzrə
istehsalçılar həmişə yüksək auditoriyası olan istiqamətə nəzər yetirirlər. Məlumdur
ki, IOS üzərində proqramlaşdırma Android-ə nisbətdə daha çox gəlir gətirir. Gələcəkdə
bunun dəyişməsini gözləmək bir qədər mənasızdır. Bununla yanaşı Apple əmin
olmaq istəyir ki, onu sevən insanlar həmişə Apple markalı məhsulları seçəcəklər.
Bu isə o deməkdir ki, istehsalçılar ilk öncə IOS üçün sonra isə digər
platformalar üçün tətbiqlər yaradacaqlar. Apple vaxtı ikən hamı üçün rahat və
sadə olan Swift adlı proqramlaşdırma dilini yaratmışdır. Apple məhz bu
proqramlaşdırma dilini dəstəkləyərək gənc proqramçıların sözügedən dildən
istifadəsi üçün onları həvəsləndirir. Digər sözlə desək əgər 15 yaşlı uşaq Swift-də
proqramlaşdırmağı öyrənibsə deməli çox böyük ehtimal ilə 15-20 ildən sonra da o
Apple-a sadiq qalacaq. Əgər Apple avtomollər və ya virtual reallıq üzrə layihələrə
start versə onda Swift proqramlaşdırma dili ilə yaxından tanış olan insan yeni
platforma öyrənməklə əziyyət çəkməyəcək. İstehsalatın birləşdirilməsi (Swift
macOS və IOS-i dəskləyir) Apple-a tətbiqləri sürətli, keyfiyyətli və rəqiblərdən
yaxşı səviyyədə yaratmağa imkan verəcək.
Microsoft:
Microsoft hal-hazırda Windows 10 sisteminin inkişafı üzərində çalışır. Həmin
platformaya planşetlər, smartfonlar, kompüterlər, oyun konsolları, virtual
reallıq cihazları və ev üçün nəzərdə tutulmuş ağıllı cihazlar daxildir. Bütün platformalar
üçün bir proqramlaşdırma dilini inkişaf etdirmək əvəzinə Microsoft bir
standarta bütün sistemi tabe edir. Yəni Microsoft bir platformadır və onun üzərində
tətbiq yaratmağın bir üsulu var. Bununla belə fərq etmir ki, həmin tətbiqi
hansı cihazda istifadə edəcəklər. Bundan əlavə olaraq şirkət təkfikirlə deyil.
Yəni o qıraq istehsalçıları da düşünür. Məsələn Xamarin-i (tətbiq yaratmaq üçün
nəzərdə tutulmuş böyük platforma) aldıqdan sonra istehsalçılar tətbiq yaratmaq
və tətbiqlərin digər platformalara köçürülməsi üçün pulsuz imkanlar əldə etdilər.
Məsələn tətbiqi Windows üzərində yaradandan sonra internetə yüklədin və onu IOS
və Android üçün adaptasiya etdin. Microsoft istehsalçılara tətbiq yaratmaq üçün
imkanlar təklif edir. Onlar hətda Windows platforması üzərində çalışmasalar belə
Microsoft onlara kömək əli uzadır. Məhz buna görə istehsalçıları hər tərəfli dəstəkləməklə
şirkət onsuzda uduzmur. Əksinə müsbətə çıxır. Yaxın zaman ərzində biz iki böyük
texnoloji şirkətin öz strategiyasını necə inkişaf etdirdiyinin şahidi olacağıq.
Məraqlısı bundadır ki, bu məsələdə hər iki şirkət uduşlu çıxır. Hər-halda hər
iki şirkət heçnə itirməyəcək.
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!