Azərbaycanda dizaynerlərin orta aylıq qazancı nə qədərdir? (SORĞU NƏTİCƏLƏRİ)
Digər
07.05.2017
Farid Pardashunas
28
fevral tarixindən etibarən Azərbaycanda olan dizaynerlərin orta aylıq
qazancları haqqında anonim sorğuya start vermişdik. 1 həftə müddətində sorğuda
nə az nə çox, 204 dizayner iştirak etdi. Sorğunun əsas məqsədi Azərbaycanda bu
sahənin inkişaf perspektivlərini araşdırmaq və sahənin nə qədər gəlirli
olduğunu ortaya çıxarmaq idi. 200 dizaynerdən topladığımız məlumatları
aşağıdakı şəkildə qruplaşdırıb və həmin məlumatları sizinlə açıq bir şəkildə
paylaşırıq.
Sorğu nəticələrinə
əsasən Azərbaycanda dizaynerlərin əsas maraq göstərdikləri dizayn sahələri Qrafik dizayn və Web dizayndır. Xüsusilə 61%-lik göstərici ilə qrafik dizayn
üstünlük təşkil edir. 3-cü ən məşhur sahə isə interyer və eksteryer dizayndır.
Sorğunun
ikinci hissəsi, dizaynerlərin çalışdıqları sahə və sektorla bağlıdır. Sorğu nəticələrinə
əsasən Azərbaycanda hər 100 dizaynerdən 65-i, özəl sektorda çalışır. Dövlət
sektorunda çalışan dizaynerlərin sayı isə hər 100 nəfər dizaynerə görə 8 nəfər
təşkil edir ki, bu da olduqca aşağı göstəricidir. Eyni zamanda dövlət işində
çalışan dizaynerlərin əmək haqları 150-300 manat aralığında dəyişir. Bunun əksi
olaraq isə özəl sektorda aylıq gəlirlilik, "freelancer” və dövlət işinə nisbətən
daha çoxdur.
Sorğuda ikinci ən böyük maraqlı sahənin isə "freelancer” olduğunu görə bilərik. Belə
ki, 200 nəfər dizaynerdən 87-si "freelancer” olaraq da fəaliyyət göstərir. 48 nəfər
isə daimi işdən əlavə olaraq "freelancer”lik fəaliyyəti ilə məşğul olur.
Buradan isə belə nəticəyə gəlmək olar ki, hər 200 dizaynerdən 39 nəfəri sadəcə
olaraq "freelancer” kimi fəaliyyət göstərir.
Sorğuda
iştirak edən dizaynerlərin 85%-i ölkə daxilində də fəaliyyət göstərir. Cəmi 7 nəfər
isə təmamilə ölkə xaricində fəaliyyət göstərir. 39 nəfər isə birbaşa olaraq ölkə
xaricinə satışlara fokuslanıb. 60 nəfər isə öz işlərini xaricə satır.
Sorğunun
əsas hissəsi dizaynerlərin Azərbaycanda orta aylıq qazancı ilə bağlıdır. 204 nəfər
dizaynerin iştirak etdiyi sorğu nəticələrinə görə Azərbaycanda dizaynerlərin
22%-i hansısa şirkətdə daimi işləmir. Sorğuda
iştirak edən dizaynerlərin isə 17%-i, 300-500 AZN aralığında aylıq qazanc əldə
edir.
150-300 AZN arası qazanan dizaynerlər 12%, 500-750 AZN qazanan dizaynerlər
16%, 750-1000 AZN qazanan dizaynerlər 9%, 1000-1500 AZN arası qazanan dizaynerlər
12%, 1500-2000 AZN qazanan dizaynerlər 5%, 2000+ AZN qazanan dizaynerlər isə 7%
təşkil edir. Statistikaya əsasən Azərbaycanda hər 100 dizaynerdən
79-u daimi olaraq dövlət yaxud özəl sektorda çalışır. Sorğuya əsasən isə Azərbaycanda
fəaliyyət göstərən və daimi işləyən 160 nəfərin nəticələrinə görə Azərbaycanda
dizaynerlərin ortalama aylıq qazancı 829
AZN təşkil edir.
Sorğu iştirakçılarının əlavə olaraq
"Freelancer” işlərdən qazancı isə 37% göstərici ilə 150-300 AZN arası təşkil
edir. "Freelancer” fəaliyyəti ilə 1500-2000 AZN arası qazanc əldə edən isə cəmi 3 nəfər mövcuddur.
Dünya standartlarına nisbətən aşağı rəqəmlərlə
qarşılaşsaqda, Azərbaycanda dizayn mədəniyyətinin yeni-yeni formalaşmağa
başladığını da vurğulamalıyıq. Artıq özəl sektor dizaynlara xüsusi diqqət
ayırmağa başlayır və dizayner üçün Azərbaycanda 829 AZN ortalama qazanc qənaətbəxş
hesab edilə bilər. Təbii ki, burada sözün əsl mənasında dizaynerdən söhbət
gedir. Dizaynerlik haqqında daha ətraflı məlumatı isə bu məqaləmizdə xüsusilə
bölüşmüşük.
Əgər sizin də bu sahayə xüsusi marağınız varsa, siz də müəyyən
kurslar keçməklə müəyyən müddət ərzində peşəkar dizayner ola bilərsiniz. Ölkəmizdə
dizayn peşəsinin sirrlərini öyrənmək üçün kurslar mövcuddur. Xüsusilə son ildə Step IT Akedemiyasının bu sahəyə verdiyi töhvəni qiymətləndirmək mütləq
lazımdır. Dünyaca tanınan sertifikata sahib olmaq və dizaynerliyin bir çox sahələrində
bilik və bacarıq əldə etmək üçün, Step IT Akademiyasının dizaynerlik
kurslarından faydalana bilərsiniz. Bu kurs mənə nələr verəcək desəz,
buradan tədris proqramı ilə tanış ola bilərsiniz. Dizayner olmaq üçün daha çox məlumat və
kurslarla maraqlanmaq istəyirsinizsə buradan pulsuz
məsləhət ala bilərsiniz.
Linki kopyala
Həftənin xəbərləri
"Premium" dizayna malik uyğun qiymətli smartfon: HONOR X8b bizə nələri vəd edir?
Whatsapp yaxın zamanda 2 yeni funksiyanı əldə edəcək