Azərbaycanda Praktiki konsaltinqin regional sessiyası keçirildi.
Digər
07.05.2017
Farid Pardashunas
16 Aprel tarixində SUP akselerasiya mərkəzində
Praktiki konsaltinqin regional sessiyası (RSPK) keçirilib. Rusiya Vençur Şirkəti
(RVK) tərəfindən təşkil olunmuş bir günlük tədbirdə, Azərbaycandan 40-a yaxın
sahibkar iştirak edib. İştirakçılar öz layihələrini tamamlayaraq mütəxəssislər
və Open Innovation Startup Tour investorlarının qarşısında çıxış etmək üçün
hazırlaşdılar. Bakıda keçirilmiş RSPK-nın çərçivəsində iştirakçılar
biznes-modelləşdirmənin təməllərini, investisiya prezentasiyalarının
hazırlanmasını, ictimai çıxışların necə edilməsini öyrənmiş və öz layihələrinin
inkişafı və kommersiyalaşması barəsində məsləhətlər almışdılar. Açıq
prezentasiya çərçivəsində Wake Me Up layihəsi təqdim olunmuşdu. 4 gənc mühəndis,
işdə yatan işçinin bu barədə xəbərdar olmasına imkan verən sistem üzərində
çalışır. Xüsusi ötürücü, eynəyə bərkidilir. Daha sonra sistem, göz qırpması
zaman göz qapaqlarının yumulmasının vaxt periodunu analiz edir. Beləliklə
sistem nəticəyə gəlir ki, şəxs yatmaq üzrədir. Hal-hazırda komanda artıq
cihazın prototipini hazır edib və əgər hər şey yolunda gedərsə, onda təhlükəli
işlərdə çalışan şəxslərin və bir çox sürücülərin həyatlarını xilas etmək mümkün
olacaq. Layihənin təsisçisi Şahin Xəlilov etiraf edib ki, RSPK-da iştirak etmək
üçün o, Prinstondan olan professorun mühazirəsini buraxıb. Hansı üsulnan qazanc
ediləcəyi məlum olmasa da yeni dəb yaradacaq daha bir layihə mütəxəssislərin
diqqətini cəlb edib. CHEVIR adlı layihə hər-hansı bir təsviri analiz edir və müəyyən
alqoritm vasitəsilə həmin təsviri, səsə çevirir. İstifadəçi, təsviri eşidə və
ya hansısa fotonun necə səsləndiyini öyrənə bilər. "Bu startapın uğurlu olacağı
təqdirdə hansısa sosial şəbəkə tərəfindən alınacağını təsəvvür etmək çox
asandır” – deyə RSPK-nın mütəxəssisi Arkadiy Seleznyov bildirib.
Linki kopyala
Həftənin xəbərləri
"Premium" dizayna malik uyğun qiymətli smartfon: HONOR X8b bizə nələri vəd edir?
Whatsapp yaxın zamanda 2 yeni funksiyanı əldə edəcək