Bir startapçı ilə sevgili olmaq istəyənlərə 17 tövsiyə
Digər
07.05.2017
Farid Pardashunas
Bir startapçı ilə münasibətdə olmaq, biraz fərqli ola bilər. Ölmədən əvvəl ediləcək şeylər siyahısına girməyə layiq olacaq qədər qəribə, amma gözəl bir şeydən söz edirəm. Bir startapçı olaraq həm öz həyatımda yaşadıqlarımı, həm startapçı dostlarımın qarşılaşdıqları ortaq nöqtələr olduğunun fərqinə varıb bunu yazmaq istədim.
1) İş həyatı və şəxsi inkişaf haqqında həddindən çox oxuya bilərlər. Təəccüblənməyin.
Həddindən çox demək biraz təvazökarlıq ola bilər.
Startapçılar şəxsi və professional inkişaflarında çox az nöqtədə özlərini "istədikləri
yerdə” görürlər. Bunun nəticəsində də, kitabxanaların startapçı xatirələri ilə,
uğur hekayələri ilə dolu olduğunu görə bilərsiniz. Chrome bookmark-larında
Techcrunch-dan, Technote-dan, Webrazzi-dən bol-bol link tapmaq olar, fikir verməyin. Təbii ki, söhbət "dırnaq
arası startapçılardan” getmir.
2) İşləmədən dayanmaqları çox çətindir, amma razı salmaq üçün şansınız var.
Öz işinə sahib biri üçün işi işdə buraxmaq deyə bir şey
yoxdur. Bunun yerinə hər zaman görüləcək işlər vardır. Biraz boş vaxt qalıbsa, "gözəl
bir kafeyə gedim də ediləcəklər siyahımdakı işlərə baxım” və oxşar bəhanələrlə
yenə işlərinə qayıdar. Heçnə olmasa belə sektorda nələr olub-bitdiyinə, rəqiblərin
vəziyyətinə göz atarlar. Ancaq vəziyyət çox da imkansız deyil. Biraz üstlərinə
getsəniz, həqiqətən işləmədikləri və sizin üçün ayıra biləcəkləri vaxt mütləq
yaradıla bilər.
3) Hesab ödəndikdən sonra "kassa çeklərini” yığa bilərlər, səhv başa düşməyin
Yox, nə yeyib içdiyinizi hesablamırıq, səhv başa düşməyin.
Xərclərimizi qeyd edirik. Nəticədə nahat yeməyi də şirkətin qazancından gedir.
Bir müddət sonra alışaraq, siz xəbərdar etməyə başlayacaqsınız, "Mənə bax çeki götürməyi
yaddan çıxartma, sonra ayın axrı pullar hara gedir deyə hesablamağa
başlayacaqsan” kimi xəbərdarlıqlar edərkən özünüzü tapacaqsınız. Sonra gözlərini
yaşardacaqsız startapçı dostumun. Qucaqlayacaq sizi bərk-bərk…
4) Hər şeyin zaman analizini edərlər. Hər şeyin…
Çünki ediləcəklər siyahısı ƏSLA boş qalmaz. Bir
startapçının etmək istəyəcəyi son şey, vaxtını boş yerə xərcləmək ya da səmərəsizcə
vaxt keçirmək belə olmaz. Yəni sizinlə vaxt keçirməsi demək, sizi həqiqətən çox
sevməsi deməkdir. İstisnalar hər zaman var ancaq bir startapçı sırf "qarşı
cinslə vaxt keçirim” deyə vaxtını xərcləməz. Bu mövzuda rahat olun, bir kofe
daha sifariş edin, görüşə bildiyiniz anların dadını çıxardın. Bir də görüşlərinizi
Kalendar-a baxıb təyin edirsə, sifət eləməyin. Çox xahiş edirəm.
5) Qətiyyən 9-6 iş saatlarında işləməzlər. İşləyə bilməzlər.
"Müntəzəm bir iş həyatın olsun” deyə israr etməyin. Bir startapçı, - hələ ki
işin hələ əvvəllərindədirsə - həm marketoloq, həm məzmun yaradıcısı, həm
satıcı, həm lider, həm müştəri təmsilçisi, həm smmşik, həm kuryer, həm çayçı
ola bilər. Mən hələ siyahını bacardığım qədər qısa etdim. İşə yeni başlamış bir
startapçı ağlınızın ala bilməyəcəyi qədər vəzifəni öz üstünə alaraq startapını
bir yerlərə çıxarmaq üçün əlindən gələni edər. Vəziyyət belə olduqda isə bir
startapçının 9-6 aralığında işləməsini gözləmək real olmaz, sizi və münasibətinizi
zədələyər. Həm də onu çox kədərləndirər. Xahiş edirəm, əgər startapçı bir
sevgiliniz varsa, ona "müntəzəm bir həyatın olsun” deyərkən qeyri-müntəzəm
yaşayırsan mesajı altında 9-6 iş saatlarını qeyd etməyin. Ona dəstək olun.
6) Çox sualları olar, faydalanın.
Startapçı əsla öyrənməkdən bezməyən şəxsdir. Mövzu gördüyü iş ya da startapı ilə bağlı
olmasa belə, zehni cəhətdən öyrənməyə tələbatı tükənmir. Ala bildiyi qədər məlumatı
almaq üçün yüzlərlə söz soruşa bilər. Buna görə də qəribə bir məlumat hafizəsi
olar. Çox əlaqəsiz mövzularda belə sizinlə saatlarla söhbət edə bilər. Təbii ki
hər insanda bunu tapmaq mümkündür ancaq bir startapçı ilə sevgilisinizsə, hər
zaman danışacaq gözəl şeylər tapa bilərsiniz.
7) Tənbəl insanlarla vaxt keçirməkdən xoşları gəlməz. Diqqət edin.
Startapçılar, daxili motivasiyalarını yüksək tutmaq üçün
çox vaxt "istəmədən də olsa” ətrafındakı "boş” insanları tərk edərlər. Daha çox
özləri kimi məhsuldar -hətta özlərindən çox daha məhsuldar- insanlarla vaxt
keçirtməyi sevərlər. Bu münasibətlərinə də əks olunar. Sizin də -hər nə edirsinizsə edin-, hərəkətli və çalışqan olduğunuzu görmək istəyərlər. Əks halda işlər
yavaş-yavaş axarından çıxar. "Ola bilməz!” deməyin, hirslənməyin. Mən sizə
olanı deyirəm.
8) Startapçılar hər işdən başı çıxan tiplər olurlar. Fərqləri isə, həqiqətən elə olmaqlarıdır.
Motivasiyası yüksək bir startapçı, tam potensialı ilə işlədiyində
birdən çox insanın gördüyü işi tək başına layiqiylə görə bilər. Bu daimi olmasa
da, "edə bilir” olması və bunu anlaması insanı biraz daha fərqli edir. Məsələn
yanında bir Word faylı açdığınızda qısa yolları istifadə etmədiyiniz üçün qısa
müddətli bir gərginlik yaşaya bilərsiniz. Günün sonunda "Ver bu komputeri görüm”
ilə başlayan bir mübahisə, bütün həftə etməli olduğunuz işləri bir neçə saatda
edən sevgilinizə təşəkkürlə bitə bilər. (Bu nümunə, başıma gələn real bir hadisəyə
aiddir)
9) Bacarmaq üçün yaşayarlar. Onlara dəstək olun.
Startapçılar, daima hər hansısa hədəf üçün yaşayarlar. Adətən
eyni anda birdən çox hədəfləri olar. Hədəfə çatılan hər anda, bir sonrakı hədəf
üçün daha çox motivasiya almış olurlar. Bütün bu müddətdə sizin dəstəyiniz
inanılmazdır, ölçülməzdir, mükəmməldir.
10) Öz-özündən yaranan şeylər bu lənətə gəlmiş startapçılığın təbiətində var. Nə edək…
Sərbəst iş saatları, daima dəyişən öhdəliklər, hədəfə
çatmaq üçün hərşeyi edə bilmək, insanın arabir axtardığı o "adi həyata” imkan
verməz. Bir startapçı ilə birlikdəsinizsə, hər zaman qeyri-adi hadisələr
başınıza gələ bilər. Düşünün, ad gününüzdə baş-başa yemək yeyirsiniz və ağlına
super bir ideya gəldi. Təcili olaraq developer dostu ilə görüşməlidir. Saxlaya
bilmərsən. Pis niyyətli deyil, amma onun da təbiəti elədir. Dedik axı, nə edək…
11) Startapçılıq haqqında heç olmadığı qədər çox şey öyrənəcəksiniz
Hekayələr, uğurlu startaplar və uğursuz startaplar… Hansı
mövzu haqqında danışırsınızsa danışın, mütləq startapçıların dünyasından hər
gün bir şeylər eşidəcəksiniz və istər istəməz startapçılıq haqqında bir çox şey
öyrənmiş olacaqsınız. Bəlkə startapçı olmaq kimi bir xəyalınız yoxdur ancaq bu
sizə gündəlik həyatınızda da, "normal” iş həyatınızda da ciddi üstünlüklər
yarada bilər. Heç olmasa, "distant startapçı” olacaqsınız. Pisdir?
12) Startapçı dediyin gizli olsa da romantikdir, sürpriz etməyi yaxşı bilir.
Startapçıların beyinləri fərqli işləyir. Hər "çatdığı”
uğur, onu bir sonrakı "böyük uğuru” düşünməyə aparar. Buna görə də startapçı
sevgilinin edəcəyi sürpriz, gül göndərmək yox nəbilim şokolad səbəti
hazırlatmaq kimi "standartlardan” çox fərqlidir. İnsanı şoka salar, xoşbəxtlikdən
ağladar. Sürpriz etməyi sizdən öyrənəcək deyilik.
13) Təbii ki insanlara sevgilinizin nə etdiyini başa salmaq biraz çətin olacaq.
"Startapçıdır deyib keç.” ilə də olmur bu işlər.
Sonrasındakı sualların ardı-arxası kəsilmir. Buna görə də startapı yaxşı təqdim
etmiş olmalısınız. Adı nədir, nə vaxt quruldu, varsa böyük rəqibin adı, investor,
nəbilim niyə belə bir işə baş qoşduğu falan-filan… Bunların hamısını başa
salmalı olacaqsınız. Yəni, "nə iş görür” sualının cavabı ən az 10 dəqiqədir.
Olsun. Sevgi nə idi? Sevgi əmək vermək idi.
14) Sosial Şəbəkə, Jobs, İnternetin övladı kimi kinolara həmişə biletiniz var.
Bu təbii ki, bu işin stereotipdir. Amma bir startapçının
seçdiyi filmlər Sosial Şəbəkə ya da Jobs kimi bioqrafiya məzmunlu filmlərin
xaricində də ola bilər. Diqqətlə fikir versəz görəcəksiniz ki, seçdiyi hər
serial və filmdə, bənzər bir obraz, bir uğur hekayəsi ya da dayanmaq bilməyən
bir macəra, daima həll edilməli olan problemlər var. Və çox zaman da bu filmlər,
"hərkəsin” sevdiklərindən fərqli olacaq.
15) Hissləri, daxili dünyaları enişli-çıxışlı ola bilər. Hətta bu tez-tez ola bilər.
Təəssüf ki, altdan almalı olan tərəf çox vaxt siz
olacaqsınız. Bu bəlkə də ədalətli deyil, amma adətən belə olur. Bəli,
startapçılar uğur qazandıqda super motivasiya ola bilirlər, amma işlərindəki
kiçik bir yavaşlama onları "Üzeyir Mehdizadə” dinləmək səviyyəsinə çatdıra və
ya daxili aləmlərini cəhənnəmə çevirə bilər.
16) Startapçılar dağılmağa meyilli olurlar, mane olun.
Bu, "hər işdən anlamaq” mövzusu və daima yeni layihələrə
olan aclıq, başqa bir yazının mövzusudur. Ancaq təcrübələrimə əsaslanaraq deyə
biləcəyim və gördüyüm odur ki, bu vəziyyəti münasibətlər həll edə bilir. Onun həddindən
çox dağıldığını və özünü tükədəcək qədər çox işə fokuslandığını gördüyünüzdə
özünə hakim olmasına kömək edin. Bu çox vacibdir. Çünki startapçı insan qəribə
olsa da heçkəsin sözünə qulaq asmazkən, sevgilisinin sözü bu cür mövzularda
daha mühüm ola bilir.
17) İnanın, sizi təxmin etdiyinizdən daha çox önəmsəyir və düşünür.
Bəlkə də bu yazını oxuyan bir çox insan, burdakı səbəblərdən
ötəri bir startapçını "sevgili namizədi” olmaqdan çıxardacaq. Ancaq inanın,
bunların hamısını bütün startapçılar bilir, bilirik. Buna baxmayaraq bizə dözən,
bizə sevgisini göstərən, bizə əhəmiyyət verən insanlara təşəkkür edirik.
Bura bu qeydi də əlavə edim ki, münasibətlərində problem
yaşayan startapçı dostlarıma demək istəyirəm ki yalnız deyilsiniz.
Bu məqalə sosyalmedya.co saytındakı materialdan istifadə
edilməklə hazırlanıb. Əlavə etmək istədikləriniz varsa, xahiş edirəm şərhlərdə
bildirin :)
Linki kopyala
Həftənin xəbərləri
"Premium" dizayna malik uyğun qiymətli smartfon: HONOR X8b bizə nələri vəd edir?
Whatsapp yaxın zamanda 2 yeni funksiyanı əldə edəcək