Canlı yayım platforması Twitch, oyun satışına başlayır!
Elm & Texnologiya
07.05.2017
Farid Pardashunas
Amazon tərəfindən satın alındıqdan sonra investisiyalarını artıran və Dünya-nın ən böyük canlı yayım platformlarından biri olan Twitch, yaxın zamanda PC oyunlarının satışına başlayacaq!
Twitch,
Steam-ə rəqib ola bilərmi?
Əslində uzun
müddətdir bir çox oyunun təqdimatında xüsusi bir rol oynayan Twitch-in belə bir
addım atması təəccüblü deyil. Bir çox şirkət adlarını Twitch-də yayım edən
yayımçılar sayəsində tanıdır. Twitch-in birbaşa olaraq bu oyunların satışına
icazə verməsi, oyunlarla oyunçuların arasında vacib bir körpünün qurulmasını təmin
edəcək.
PC oyun
satışları mövzusunda liderlik isə heç şüphəsiz Valve-ın Steam platforması
sayıla bilər. Bununla yanaşı internet saytı da oyunların satışlarında fəaliyyət
göstərir ancaq Twitch-in ən az Steam qədər ciddi bir platforma yaradacağı dəqiqdir.
Twitch-in
platforması üçün razılaşma təmin etdiyi oyun firmaları arasında Ubisoft,
Telltale Games, tinyBuild, Paradox Interactive, Trion Worlds, Vlambeer və
Hi-Rez Studios kimi böyük adların yer aldığını da bildirmək lazımdır. HələlikActivision, Electronic Arts və bənzəri bir neçə böyük firma ilə razılaşma əldə
edilib.
Əgər Twitch
üzərindən bir oyun satın alsanız, satın aldığınız oyunu Twitch-in yeni inkişaf
etdirdiyi masaüstü tətbiqi vasitəsilə ya da Uplay kimi firmaların öz tətbiqləri
üzərindən oynaya biləcəksiniz.
Twitch-in
oyun satışlarına tam olaraq hansı tarixdə başlayacağı hələ məlum deyil, ancaq qarşımızdakı
yaz aylarında sistemin fəaliyyətə başlayacağı düşünülür.
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)