Dünyada ilk dəfə 1.5 km uzaqlıqda yerləşmiş mobil telefon hava üzərindən şarj olundu
Elm & Texnologiya
07.05.2017
Farid Pardashunas
Günümüzdə hansısa cihazı şarj etmək üçün iki üsuldan istifadə olunur.
Birinci üsul şarj üçün nəzərdə
tutulmuş naqili cihaza taxmaq, ikinci üsul isə cihazı xüsusi kiçik şarj
stansiyasının üzərinə yerləşdirməkdən ibarətdir. Lakin hal-hazırda müxtəlif
şirkətlər enerjinin hava üzərindən ötürülməsi texnologiyası üzərində
çalışırlar. Bu istiqamətdə həmçinin rusiyalı alimlər də müəyyən işlər görürlər.
"Energiya” adlı kosmik-raket şirkətinin mütəxəssislər dünyada ilk dəfə olaraq 1.5 km uzaqlıqda yerləşmiş mobil telefonu enerji ilə təmin ediblər. "Technote.az"ın "4pda.ru"a istinadən verdiyi xəbərə əsasən enerji lazer şüası vasitəsilə ötürülmüşdür. Şirkətin binalarından
birinin ən yüksək yerinə lazer qurğusu quraşdırılmışdır. Həmin lazer qurğusu isə
1.5 km uzaqlıqda digər binanın yüksək yerində yerləşmiş və diametri 10 sm olan ötürücüyə lazer şüası ötürmüşdür.
Həmin ötürücü öz növbəsində şüanı
qəbul edərək onu elektrik enerjisinə çevirmişdir. Bütün bunlar adi mobil telefona
qoşulmuşdur. Siqnalın ötürülməsindən sonra mobil telefon enerji yığmağa
başlayıb. Mobil telefonun tam şarj olunmasına 1 saat vaxt lazım olub. Lakin
telefonun markası və onun batareyasının enerji tutumu barəsində mütəxəssislər
heç bir məlumat verməyiblər. Başa düşmək lazımdır ki, mobil telefon sadəcə
olaraq təcrübə üçün seçilmişdir. Alimlərin yekun məqsədi bu tenologiyadan
kosmosda istifadə etməkdir. Gələcəkdə onlar bu üsulla BKS-dən (Beynəlxalq Kosik
Stansiya) "Proqress” adlı yük gəmisinə enerji ötürməyi planlaşdırırlar. İlk öncə
isə alimlər pilotsuz uçuş aparatlarında təcrübələr aparacaqlar.
Linki kopyala
Bənzər xəbərlər
Oxşar xəbərlər
Həftənin xəbərləri
