Elon Musk-ın uğurlarının sirri nədədir? Onun haqqında bioqrafiya yazan şəxsdən müsahibə
Elm & Texnologiya
07.05.2017
Farid Pardashunas
Elon Musk-ın bioqrafı (hər-hansı bir insanın bioqrafiyasını
yazan şəxs) Ashlee Vance, Vox nəşriyyatına müsahibə verib. Müsahibə çərçivəsində
o, müasir dünyanın ən uğurlu sahibkarlarından biri olan Elon Musk-ın
uğurlarının sirrini açıqlayıb. Musk-a bir çoxları güvənmirdi və bu tamamilə
normaldır. O dəfələrlə elə vədlər verirdi ki, həmin vədlərin reallaşdırılması
qeyri-mümkün görünürdü. Bundan əlavə olaraq o, bir çox layihələrin vaxtlarını nəzərə
almırdı və buna görə də ona tam güvənmək qeyri-mümkün idi. Lakin ona şübhə ilə
yanaşanlar heç təsəvvür belə etmirlər ki, Musk öz işində necə diqqətli və məqsədyönlüdür.
Elon Musk-ın demək olar ki, mümkünsüz deadline-lar təyin etməsinin əsas səbəbi,
qısa müddət ərzində işçilərdən maksimum gücü tələb etmək arzusudur. Ashlee
Vance, Elon Musk-ı, Silikon vadisinin digər sahibkarları ilə müqayisə edir.
Silikon vadisinin bir çox sahibkarları öz layihələri uğrunda yaşayırlar. Lakin
bununla belə bu xüsusiyyətlər onlar üçün yalnız bir iş olaraq qalır. Musk-ın isə
öz layihələrinə olan münasibəti, ölümlə mübarizə ilə müharibənin sərhədində yerləşir. Bunlar tamamilə fərqli-fərqli
yanaşmalardır. O, normal həyat yaşamır. O, 3 dəfə evli olub və o, öz ovladları ilə
çox nadir hallarda görüşür. Onun iş rejimi dəlisovdur və o bu rejimdə mütəmadi
olaraq qalır. Bu bir növ iş uğrunda verilmiş qurban kimidir. Bu cür templə və vədlərlə
kimdəsə inam yaratmaq çox çətindir. Elon Musk-ı, Steve Jobs və Jeff Bezos ilə
müqayisə edən zaman Ashlee Vance qeyd edib ki, onların hər 3-ü əhəmiyyətli
olduqlarını dünyaya sübut etməyə çalışıblar.
Onlardan hər birinin çox çətin uşaqlıq dövrü olub. Bununla
belə Ashlee bildirib ki, Jobs və Bezos, Musk-dan fərqli olaraq daha asan şəkildə
özlərini göstəriblər. Belə ki, onların şirkətləri, Musk-ın indi sahib olduğu
şirkətlərdən fərqli olaraq daha irimiqyaslıdır. Məsələn Jeff Bezos, "Blue
Origin” şirkətini quranda onun artıq yeni şirkət üçün həll etməli olduğu maliyyə
problemləri yox idi. "SpaceX” ilə isə məsələ tamamilə fərqlidir. Şirkətin hələ
indiyənə kimi aktiv şəkildə fəaliyyət göstərməsi böyük uğurdur. Bunu ‘Tesla” şirkəti
üçün də demək olar. Bu şirkətlər hal-hazırda uğurludurlar. Lakin bununla belə
Elon Musk yenə də demək olar ki, uğursuzluğa apara biləcək yolun sərhədində işlərini tarazlaşdırır və bunu digər biznesmenlərdən daha uzun müddət ərzində edir. O,
Jobs kimi prezentasiyaları təqdim etmək bacarığına sahib deyil. Lakin o, şirkətlərinin
avtomobilləri və raketlərinin hissələri haqqında hər şeyi bilir. Bununla belə
onun bir sıra qərarları tamamilə Jobs-un üslubuna bənzəyir. Məsələn Musk, Tesla
avtomobillərdəki qapı dəstəklərinin gövdədən çıxmasını istəmişdi. Lakin
dizaynerlər bu qərara qarşı idilər. Nəticədə həmin funksiya, Tesla avtomobillərinin
ayrılmaz özəlliyi oldu. Mühəndislər çox zaman qeyd edirlər ki, onun ideyaları
çox dəlisovdur. Buna baxmayaraq həmin ideyalar nəticədə uğur qazanırlar. Ashlee
Vance əminliklə qeyd edir ki, Elon Musk, Marsa çatmaq arzusuna nail olacaq. Bəlkə
də bu, təyin olunmuş müddətdən bir qədər gec olacaq. Lakin o buna nail olacaq.
Onun sözlərinə əsasən "SpaceX”in komandası artıq final raketin necə olacağını
çoxdan bilir və bu layihə üzrə çertyojlar artıq hazırdı. Onun eniş planı ilə məsələlər
isə hələki qəlizdir. Musk öz ağlında artıq hər şeyi təsvir edib və danışıq
zamanı o, istənilən adamı inandıra bilər. Praktiki cəhətdən isə hələki dəqiq
bir plan yoxdur. Buna baxmayaraq Musk və onun komandası bu işə inanır.
Linki kopyala
Bənzər xəbərlər
Oxşar xəbərlər
Həftənin xəbərləri
Huawei Pura 70 və Pura 70 Pro təqdim olunublar - QİYMƏTİ
Telegram-ın yaradıcısı Pavel Durov geniş müsahibə verib (VİDEO)