Facebook canlı yayım xüsusiyyətinə daha bir funksiya əlavə etdi
Sosial Media
07.05.2017
Farid Pardashunas
Son zamanlar Facebook canlı yayım
funksiyası üzərində ciddi dəyişikliklər aparmaqdadır. Sonuncu dəfə 24 saat
fasiləsiz yayımı istifadəçilərə təqdim edən Facebook, bununla sanki televiziya
kanalları və həvəskar çəkilişi sevənlərin qarşısındakı maneələri açmış oldu. Canlı
yayım həm biznes və təşkilati, həm də dostlarınızla unudulmaz anlarınızı canlı
olaraq paylaşmaq üçün əvəzolunmaz vasitədir. Belə olan halda Facebook canlı
yayım xüsusiyyətinə yeni bir funksiya daha əlavə edib. Beləki, siz artıq canlı
yayımlarınızı planlı şəkildə həyata keçirə biləcəksiniz. Bu yenilik sayəsində
daha çox insanı özünüzə cəlb etmək imkanınız olacaq.
Canlı yayım planlandıqdan
sonra şəxsin səhifəsində görüntülənəcək və istəyən şəxslər həmin saat və tarixdə
xatırlatma funksiyasını istifadə edərək qoşula biləcəklər. Bildiriş almağı istəyən şəxslər yayımın
başlamasına 3 dəqiqə qalmış bildiriş alacaqlar. Bu 3 dəqiqə içərisində yayımı izləyən
digər istifadəçilərlə də söhbət edə biləcəksiniz. İstifadəçilər canlı yayım
planını 1 həftə sonrasına qədər planlaya bilərlər.
Bu yenilik bəziləri üçün Cümə axşamından
etibarən aktiv edilsə də, gələn həftədən başlayaraq qismən bütün Facebook səhifələrinə
şamil olunacaq.
Linki kopyala
Bənzər xəbərlər
Oxşar xəbərlər
Həftənin xəbərləri
Bütün iPhone 16 smartfonlarının xarici görünüşləri bir fotoda sərgilənib
Dünyanın ən sürətli internetinə malik ölkələri bəlli olub!