Facebook-un axtarış sisteminə yeni funksiya əlavə olunub
Sosial Media
07.05.2017
Farid Pardashunas
Facebook sosial şəbəkəsi, foto axtarışını süni zəka vasitəsilə təkmilləşdirib.
Qeyd etmək lazımdır ki, sözügedən funksiya daha öncə zəif
görən istifadəçilər üçün nəzərdə tutulmuşdu və keçən ilin Aprel ayında istifadəyə
verilmişdi. Süni zəka, fotoda əks olunan obyektləri tanıya və istifadəçiyə nəql
edə bilirdi. Tanıma sistemi isə isim və sifətlərin səviyyəsində həyata
keçirilirdi. İndi isə süni zəka, hərəkətləri tanıma xüsusiyyətinə sahibdir.
Bundan əlavə olaraq sözügedən axtarış sistemi artıq hamı üçün aktivdir. Bu isə
o deməkdir ki, artıq istənilən istifadəçi, Facebook daxilində hər-hansı fotonu
təkcə fotonun sahibinin istifadə etdiyi teqlər vasitəsilə deyil həmdə açar sözlərin
köməkliyi ilə tapa bilər. "Facebook”un süni zəka şöbəsinin baş rəhbəri Joaquin
Candela-nın sözlərinə görə servis, 12 ədəd fəaliyyət tipli yeni açar sözləri
özündə birləşdirir. Onların arasında "insanlar gəzişirlər”, "insanlar rəqs edirlər”,
"insanlar atla gəzirlər” və "insanlar musiqi alətlərində ifa edirlər” kimi açar
sözlər və cümlələr var. "Facebook”, sözügedən texnologiyanın təkmilləşdirilməsini
və onun videoaxtarış sisteminə də inteqrasiya olunması barəsində söz verib.
Qeyd etmək lazımdır ki, təkmilləşdirilmiş fotoaxtarış sistemi həm mobil, həm də
veb versiyada hələki ABŞ istifadəçiləri üçün aktivdir. Funksiyanın digər ölkələrin
istifadəçiləri üçün aktiv olacağı tarix isə bilinmir.
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!