Fikirlərinizi nə üçün yaxın ətrafınıza açmamalısınız?
Digər
07.05.2017
Farid Pardashunas
Hardasa hər startapçının başına gələn bir ssenaridir: Bir fikriniz var və bu fikir ilə bütün planlarınızı belə hazırlamısınız. Sonrasında ailə fərdlərinizə və dostlarınıza açdığınız bu fikir üzərində çox da baş yormayan insanlar, bu fikri amansızlıqla təndiq edər və uğursuz olacağınızı deyərlər.
İllərlə
birlikdə yaşadığımız bu insanlardan bu tərz və düşüncəsizcə sözlər eşitmək qəlb
qırıcı olur. Bəlkə də sizin etməyi düşündüyünüz şeyi özləri etməyəcəklərini
düşündükləri üçün sizin də uğursuz olacağınızı düşünürlər. Özünə inancı
olmayanın, başqasının bir şeyləri edəcəyinə inanması da çətin olur.
Məsələn,
yaxınlardakı biznes-klass restoranların yerini müəyyən edəcək bir android tətbiq
fikri ilə ailənizə və ya dostlarınıza getdiyinizdə eşidəcəyiniz ilk sözlər niyə
uğursuz olacağınız və özlərinin nə üçün bu tətbiqdən istifadə etməyəcəkləri barədə
olacaqdır. Görüldüyü
kimi, dostlarınız və ailə fərdləriniz sizin fikirlərinizin müştərisi deyillər.
Gələcəkdəki müştərilərinizi də təmsil etdiklərini deyə bilmərik.
İnsanların
çoxu bir şeyə inanmaq üçün görmək ehtiyacı hiss edirlər. "Gördüyümə inanaram" məntiqi
üstünlük təşkil edir. Bir startapçını digərlərindən ayıran xüsusiyyət isə görmədən
inanmasıdır. Startapçılar fikirlərin
qoxusunu harada alacağını, dadmalı olduğunu, görməyi, toxunmağı, eşitməyi bilərlər.
"Heçnə”dən "birşey”lər yaratmağı bacararlar.
"Alibaba”nın CEO-su məşhur milyarde rCek Ma (Jack Ma), fikirlərini dostları ilə paylaşdığında hamısı ona gülmüşdü. Bütün
problemlərin, sıxıntıların və bitmək-tükənmək bilməyən görüşlərin sonunda
Cek-in harada olduğunu hamımız görürük. Dostlarının da ona artıq gülmədiklərinə
əmin ola bilərsiniz.
Yaxın çevrəmizdəkilər adətən gələcəyi görməzlər və hazırda
yaşananlar, var olanlar üzərindən bizi və fikirlərimizi qiymətləndirərlər. Bizi
təhlükələrdən və zərərlərdən qoruduqlarını düşünərlər.
Onların
bu düşüncə tərzlərini dəyişdirmək sizin vəzifənizdir. Onları yönləndirə bilərsiniz
amma onların bu dəyişikliyə qarşı dirəndiklərini gördüyünüzdə əlavə səy göstərməməlisiniz.
Bu
barədə ən asan həll üsulu nədir? Möcüzəvi
bir cavabımın olmasını istəyrtdim amma təəssüflər olsun ki, yoxdur. Günlər və
gecələr boyu sərf edəcəyiniz çox vaxtınız olacaq. Onlarda müzakirə etməkdənsə,
potensial müştəriləriniz ilə müzakirə etməyiniz və onları inandırmağınız sizin
faydanıza olacaqdır. Bəlkə
daha sonra ailə fərdləriniz və yaxın dostlarınız bunu görər və sizə inanmağa
başlayar.
İndi
içinizdə bəzi şəxslərin, niyə fikirlərini yaxın ətrafına deməməli olduğu barədə
mənimlə eyni fikirdə olacağını düşünürəm.
Bu
mövzuda heç kimdə günah axtarmaq lazım deyil, çünki günahkar yoxdur. Təbiətin
qanunudur deyə bilərik. Bu qədər asan olsa idi, insanlar riskdən qaçmaq yerinə,
səhər yeməyi niyyətinə o riski yeyərdilər.
Linki kopyala
Bənzər xəbərlər
Oxşar xəbərlər
Həftənin xəbərləri
