Galaxy S7 telefonunun kamerasının çatlaması xəbərinə Samsung münasibət bildirib

Samsung yeni Galaxy S8-in təqdimatına hazırlaşarkən yeni problemlə qarşılaşıb. Belə ki, bəzi istifadəçilər Galaxy S7 telefonlarının arxa kamerasının durduğu yerdə çatladığını iddia edir.

Bu il Samsung Galaxy Note 7 ilə bağlı ciddi problemlər yaşadı. Amma Samsung-un tək problemi bu deyil. İndi də şirkət yeni iddia ilə qarşı-qarşıya qalıb. İstifadəçilərin bir qismi Galaxy S7 telefonlarının arxa kamerasının öz-özünə çatladığını bildirib.

Apple və Samsung kimi böyük telefon istehsalçıları bəzi hallarda belə problemlərlə qarşılaşırlar. Amma bu problem Galaxy Note 7 kimi qlobal xarakter daşıdıqda, onda cihazları geri çağırmaqdan başqa çarə qalmır.

Redmonpie-nin xəbərinə görə kamera çatmala xəbərləri Galaxy S7 və Galaxy S7 Edge telefon istifadəçilərinin iddiasıdır. Samsung isə bu iddialara cavab olaraq istifadənin düzgün həyata keçirilməməsindən irəli gəldiyini bildirib.