Gamer-liyin təkcə kişilərə məxsus olmadığını iddia edən gamer Fidan (Auditore) ilə müsahibə
Digər
07.05.2017
Farid Pardashunas
Red Bull qabağına yeni bir məqsəd qoydu - dünyanın ən güclü Mind Gamer-lərini tapmaq. Yeni layihəyə artıq start verilib və iştirakçı ölkələr arasında Azərbaycan da var.
Hər ölkədən ən yaxşı komandalar irəli çıxacaq və 2017-ci ilin mart
ayında Budapeştdə - Missiya: Unlock Enoch Dünya Finalında yarışacaqlar, orada
onlar kvant məntiqi əsasında olan və bənzəri olmayan Escape Room-a daxil
olacaqlar. Otaq, Dr. Scott Nicholson və onun tələbələri Robert Durant, Sean
Harrison və Chris Tenuta, həmçinin Ontarioda Brentford şəhərində yerləşən Vilfrid Universitetinin BGNlab laboratoriyası tərəfindən hazırlanıb və Fox tərəfindən
qutuda istehsal ediləcək. Dünya çempionu olan komanda MİT Oyun
Laboratoriyasının tapmaca (puzzle) dizayn şöbəsinə dəvət olunacaq.
Mind Gamer-lər əsas oyunlara hazırlanarkən biz əsl gamer-lə söhbət elədik.Fidan (Auditore) bizə kompüter oyunların müsbət cəhətlərindən və ən böyük
arzusundan danışdı.
- Niyə məhz oyunlar? Sən
axı özün üçün başqa məşğuliyyət tapa bilərdin.
- Yəqin ki əsas səbəblərdən biri böyük qardaşımdı. Balacalıqdan bəri
çox mehribanıq və hər zaman bir yerdə oynayırdıq. Deyə bilərəm ki elə o
vaxtlardan bəri oyunlara marağım çox böyük idi.
-
Oyunlar sənin üçün nə ifadə edir?
- Oyunlar mənim üçün çox şey ifadə edir. O başqa gözəl bir aləmdir.
Beləki mən orada hər bir şeyi idarə edə bilirəm: Fərqli həyatlar, fərqli hekayələr.
Oyun oynayarkən siz başqa bir insanın həyatını yaşayırsınız. Təsvir edilməz bir hissdir. Gərək
oynayasan ki – başa düşəsən.
-
Hansı oyun üzərində çox vaxt sərf etmisən?
- Ooo. Uşaqlıqda Prince of Persia oyunu idi, son zamanlar oynadığım
oyunlardan – The Evil Within və Dark Souls-u missal göstərə bilərəm.
-
Nə zaman sən əsl gamer olduğunu hiss etdin?
- Özümü xatırladığımdan bəri hər zaman oyun oynayıram. Əlbəttə ki ilk
vaxtlar oynamağa konsollardan başlamışdım. Amma deyim ki, həyatımda mənim sadəcə
oyun oynamaqla keçirdiyim vaxtlarım da olub. Hər səhərim çay və ya qəhvə ilə
deyil, kompüteri işə salmaq ilə başlayırdı. Məktəbi təzə bitirmişdim və günlərimi
oyun oynamaqla keçirirdim.
-
Oyunlardan nəsə bir fayda alırsan?
- Əlbəttə! Biz gamerlər dünyanı daha fərqli görürük. Tam səmimi deyə
bilərəm ki oyunlardan çox şey öyrənmişəm. Oyunlar insanın məntiqini
inkişaf elətdirir və dünyagörüşünü dəyişirlər. Və ən əsası xəyal gücünü genişləndirirlər.
Gamerlərin gözündə dünya həmişə daha maraqlıdır.
- Əla gamer olmaq üçün hansı bacarıqlar lazımdır?
- Ən əsası məncə oyundan həzz almaq və bütövlüklə özünü oyuna vermək
lazımdır. Ancaq oynamaq üçün oynamaq lazım deyil, mütləq bir taktika olmalıdır.
- Mənasızca klaviaturanın düymələrinə basmaq yoxsa beyin işlətmək
lazımdır?
- Əlbəttə ki beyin işlətməlisiniz. Amma oyundanda asılıdır. Əgər sadə
smartfon oyunudursa, orda çox vaxt məntiq və taktika lazım olmur.
- Red Bull Mind Gamers haqqında nə fikirləşirsən?
- Məncə gənclər üçün bu əla bir fürsətdir. Çox sevinirəm ki bizim ölkədə
belə maraqlı layihələr keçirilir. Zəka oyunları tam da bizlərə lazım olan
oyunlardır – biraz beynimizi işlədək.
- Playstation,
Xbox 360 yoxsa PC?
- Hamısı birdən!
Bunlardan heç olmasa birindən imtina etmək olar?! Mən PC oyunçusuyam, amma mənim
bir arzum var – gələcəkdə, evimdə xüsusi bir oyun otağım olacaq, harada ki
bütün konsolları bir-bir yığacam. Evimdə bir cənnət!
-
Gamerlik oğlanların məşğuliyyətidir yoxsa qızların da burda şansı var?
- Qız və ya oğlan – nə fərqi var ki? Əgər oynamağı sevirsinizsə
cinsiyyətin heç bir fərqi yoxdur. Heç vaxt belə stereotiplərin tərəfdarı
olmamışam.
-
TOP-3 ən maraqlı oyun siyahını bizimlə bölüşə bilərsən?
- Yox! Çox çətin və qəddar bir sualdır. Çünki 3 çox azdır. Gəlin
5 ədəd oyun adı çəkim: Resident Evil,
Assassin’s Creed, Tomb Raider, Mafia, Devil May Cry.
Red Bull Mind Gamers haqqında
daha ətraflı məlumat almaq istəyirsizsə bu linkə daxil olun.
Linki kopyala
Həftənin xəbərləri
Ən ağıllı çat-bot IQ testində insanı geridə qoyub
Süni zəkanın köməyilə yaradılmış dərman insanlar üzərində test edilir