Gələcəyin Kiber hücumları necə olacaq?
Elm & Texnologiya
07.05.2017
Farid Pardashunas
Günü-gündən inkişaf edən texnologiya ilə birlikdə kiber hücumlar günümüzdəkindən daha fərqli və qəribə üsullar ilə həyata keçiriləcək!
Hazırda
hər şeyin haradasa tamamən rəqəmsal mühitə köçürülməsi ilə birlikdə kiber dünyada olduqca vacib məlumatlarımız
əks etdirilir. Bunun bir nəticəsi olaraq da İngiltərə Təhlükəsizlik
Agentliyinin məlumatlarında da göstərildiyi kimi kiber cinayətlər, baş vermiş
bütün cinayət hallarının 53%-ini təşkil edir.
Diqqətinizə
çatdıraq ki, kiber cinayətlər üçün bu 53% belə hazırki şəraitdə olduqca kiçik rəqəmdir.
İnkişaf edən və rəqəmsallaşan dünya ilə birlikdə və yeni texnologiyaların da həyatımıza
girməsi ilə kiber cinayətlər artıq insanlığın mübarizə aparacağı ən böyük dərdlərdən
biri olacaq. Bəs gələcəkdə bu cinayətlər necə həyata keçiriləcək?
Ağıllı cihazlar hackerlərin idarəsində olacaq
"IntelSecurity”nin
rəhbərliyindən Raj Samani-nin açıqlamasına görə yaxın gələcəkdə ağıllı cihazlar
hərkəsin evinə girdiyində kiber quldurlar internetə bağlı bu ağıllı cihazları
hack edərək sahiblərindən cihazların işləməsi üçün külli miqdarda pul tələb edə
biləcəklər ki, bu hələ ən yaxşı ssenaridir.
Sürücüsüz
avtomobillərə gəldikdə isə, istiqamətini GPS və internet vasitəsilə təyin edən
bu cihazlar, hack edildiyində içindəki şəxsi istədiyi istiqamətə apara biləcək
və bu istiqaməti ekranda göstərməyərək insanların vəziyyətdən xəbərdar
olmamalarına gətirib çıxardacaq.
Robotlar kamikadzelərə çevriləcək
Yavaş-yavaş
həyatımızın bir parçası olmağa başlayan robotlar, gün gəldiyində bəlkə də ən
vacib köməkçilərimiz olacaq və robotlarla qarşılaşmağımız qaçınılmaz olacaq.”TheFutureLabaratory”
rəhbəri Tresi Follovs, insanların iş gücünün 35%-inin robotların yerinə keçəcəyini
və kiber hücumlarla bu robotların təhlükəli bir kamikadzeyə, canlı bombaya
çevrilə biləcəyini bildirir.
Kvant kompüterlərdəki məlumatları oxumaq mümkün olacaq
Bildiyiniz
kimi hazırda kvant kompüterlər inkişaf etmiş şifrələnmələrlə tərkiblərindəki məlumatları
qoruyurlar. Ancaq dəyişən texnologiya ilə bu şifrələrin qırılması deyilənə görə
sadələşəcək və kompüterlərdəki məlumatlar yeni bir şifrələnmə ilə başdan şifrələnənə
qədər hackerlər asanlıqla bu məlumatları oxuya biləcəklər. Belə ki, bəzi dövlət məlumatlarının
belə bu üsulla ələ keçirilə bilinəcəyi deyilir.
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)