main-post-cover

    Hackerləri Aldadan Möhtəşəm Sistem!

    Elm & Texnologiya
    07.05.2017
    Farid Pardashunas

    Hackerlərə qarşı hazırlanan yeni nəsil təhlükəsizlik sistemi hackerləri aldatmaq üzərinə hazırlanıb. Bəs hackerləri boş vaxt itkisinə gətirib çıxaran bu sistem necə işləyir?

    Kiber dünyanın piratları olaraq göstərilən hackerlərə qarşı tamamilə təhlükəsiz bir sistem hələki istehsal edilməyib. Lakin texnologiyanın inkişafı sayəsində artıq təhlükəsizlik tədbirləri də ağıllı hala gətirildi. "Technote.az"ın "TechWorm"a istinadən verdiyi xəbərə görə, Pensilvaniya Universiteti tərəfindən hazırlanan yeni nəsil təhlükəsizlik tədbirinin xüsusiyyətləri çox maraqlıdır. 
    Bu ağıllı sistem, sistemə gələn hər hansı bir hücumun olduğunu anladığı zaman hackeri yaradılmış saxta bir şəbəkəyə yönləndirir. Hackerin saxta bir bölgədə olduğunu anlamaması üçün isə şəbəkə və sistem haqqında lazımsız detalları hackerin bilməsinə icazə verir. 
    Sistem, tədqiqat mərhələsindəki bir hackerin bir neçə dəfə daha gələcəyini təxmin etdiyi üçün hackeri qara siyahıya əlavə edir və bir sonrakı hücumunda da eyni saxta şəbəkəyə yönləndirərək fərqli məlumatlar göstərir.
    Ağlı qarışan hacker dəyişikliyin səbəbini başa düşməyə çalışarkən, sistem adminstratorunun bu vəziyyətdən xəbərdar olduğunu bilmədiyi üçün əlindəki zaman üstünlüyünü itirmiş olur. 
    Ağıllı sistem bu hackerin bütün fəaliyyətlərini qeydə aldığı üçün hacker sistemdəki boşluğu sistem adminstratoruna istəmədən də olsa bildirmiş olur. Beləliklə hər hansı bir hack hadisəsinin yaşanmasına mane olunmuş olur. Sistemin hələki test mərhələsində olduğunu və bütün testlərinin uğurlu olması halında gələcəyin təhlükəsizlik sistemi ola biləcəyi bildirilir.
    Linki kopyala