Həftənin ən yaxşı Android oyunları (11 Mart)
Digər
07.05.2017
Farid Pardashunas
Həftənin ən yaxşı Android oyunlarını sizlərə təqdim edirik.
2 Cars
Bir çox mobil oyunların məğzi çox sadədir. Siz müəyyən bir
personajı idarə edirsiniz və çalışırsınız ki, həmin personaj daha yüksək nəticələr
əldə etsin. Lakin əsas personajların sayı 2-ə çatsa, onda necə? Təbii ki, bu
zaman istifadəçi, ikiqat öz reaksiyasını və diqqətini artırmalıdır. Sözügedən 2
Cars oyunu sizlərə bu hissi yaşada bilər. Oyunun əsas özəlliyi isə onun çox çətin
olmasıdır. 2 Cars, öz mobil oyunları ilə məşhurlaşmış Ketchapp studiyasının məhsuludur.
Oyuna başlayan zaman sizin qarşınızda 4 xətli yol təqdim olunacaq. Həmin yol ilə
iki avtomobil hərəkət edir və hər bir avtomobil üçün iki yol zolağı nəzərdə
tutulub. Qırmızı avtomobil sol tərəfdə, göy avtomobil isə sağ tərəfdə yerləşir.
Ekrandakı lazım yerə klik etdikdə avtomobil həmin yerə dönəcək. Təbii ki, bunu
tez-tez etmək lazım gələcək. Belə ki, yolda çoxlu sayda maneələr olacaq. Yolda
rastlaşacağınız qırmızı işarələri götürməli, göy rəngdə olanları isə
buraxmalısınız. Oyunun əsas özəlliyi ondan ibarətdir ki, siz eyni anda iki
avtomobilə də diqqət ayırmalısınız. İnsan isə iki obyektə eyni anda diqqət
ayıranda onun beyni çətin vəziyyətə düşür və istənilən anda səhv edə bilər.
Oyunu burdan yükləyə bilərsiniz.
Hopeless 2
Bu oyunun horror janrında olduğunu biləndə istər-istəməz
insanda təəccüb yaranır. Belə ki, oyunun baş qəhrəmanları əslində heç də horror
janrında olan bir oyunda iştirak edən personajlara oxşamır. Oyunda əsas məqsəd
oyun səviyyələrində göydə yerləşən qutulara atəş açaraq, sizə oxşar digər
personajları xilas etməkdir. Hadisələr isə bilinməyən səbəbə görə qaranlıq və qorxunc
bir mağarada cərəyan edir. Baş qəhrəmanlar kiçik vaqonetə minərək həmin
mağarada qorxunc macəraya çıxırlar. Mağarada isə çoxlu sayda müxtəlif məxluqlar
var və onlar istənilən anda qaranlıqdan sizə hücum edə bilərlər. Onlara təbii
ki, siz atəş açmalısınız. Lakin bu zaman diqqətli olmaq lazımdır. Belə ki, məxluqların
yerinə həmdə sizə oxşar digər personajlar da qarşınıza çıxa bilər. Nə qədər çox
həmin personajları xilas etsəz o qədər də ulduz qazanacaqsınız. Oyunu burdan yükləyə bilərsiniz.
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)