Həftənin ən yaxşı Android oyunları (22 Oktyabr)
Digər
07.05.2017
Farid Pardashunas
Bu həftəki siyahımızda insanların
diqqətini çəkən maraqlı oyunlar yer aldı. Beləliklə həftənin ən yaxşı Android
oyunlarını sizlərə təqdim edirik.
Hat Trick Shots
"Ketchapp” studiyasının hər bir
oyunu mənasız olsa da viral xüsusiyyətini daşıyır. Studiyanın yenin oyunu Hat
Trick Shots da istisna deyil. Bu oyunda oyunçuların əsas məqsədi ekranda əks
olunan baş qəhrəmanın papağını göyə ataraq onun əvvəlki vəziyyətdə baş qəhrəmanın
başına düşməsini təmin etməkdir. Oyunda yeni papaqları almaq üçün qızıl qəpikləri
yığmaq lazımdır. Həmçinin burda bəzi missiyalar da var. Həmin missiyalar
papağın düzgün atılması prinsipi ilə bağlıdır. Məsələn birinci papağ atışı
papağın göydə bircə dəfə fırlanması ilə müşaiyət olunmalıdır. Hər bir növbəti
missiyada papağın göydə fırlanma dövrünün sayı çoxalır. Oyun çox maraqlı tərzdə
yaradılıb və asan görünməsinə baxmayaraq çətinlikləri ilə oyunçuya meydan
oxuyur. Oyunu burdan yükləyə bilərsiniz.
I am Bread
Digər platformalarda məşhurluq
qazanmış bu oyun Android platformasına yaxın zamanda gəlib çıxıb. Bu oyunu həmçinin
çörək simulyatoru da adlandırmaq olar. Xeyr bu zarafat deyil. Belə ki, oyunçu
oyunda bir dilim çörək rolunu canlandırır. Oyunda yeganə məqsəd çörəyi tosta
çevirməkdir. Lakin bu elə də asan bir iş deyil. Belə ki, çörəyin forması
oyundakı mühitdə irəliləmək üçün əlverişli deyil. Lakin çörək bu çətin maneələrdən
keçmək üçün bütün xüsusiyyətlərə sahibdir. Yaradıcılar çörəyin qızardılması
prosesinə çox kreativ yanaşıblar. Mətbəxdə çörəyi qızardıcı plitəyə və ya
tosterə yönləndirmək bir qədər asan olsa da digər yerlərdə bu çətinlik yaradır.
Məsələn ikinci missiyada ətrafda toster olmadığından oyunçu ilk öncə bilyard
daşını televizora atmalı daha sonra onun üzərində qızarmalıdır. Oyunu burdan yükləyə bilərsiniz. (Diqqət: Bu oyun pulludur)
Mr. Jump
Klassik runner janrında olan bu
oyun Subway Surfers-ə bənzəsə də ondan fərqli olaraq 2D formatında hazırlanıb. Oyunçu
öz reaksiya və sürətindən istifadə edərək oyunun baş qəhrəmanını maneələrə dəymədən
bütün yolu keçirtməlidir. Həmçinin bu oyun oyunçunun reaksiya sürətini yoxlamaq
üçün yaxşı fürsətdir. Oyunu burdan yükləyə bilərsiniz.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Galaxy C seriyası geri qayıtdı: Samsung Galaxy C55 5G smartfonu təqdim edilib - QİYMƏTİ