Həftənin ən yaxşı iOS oyunları (22 Yanvar)
Digər
07.05.2017
Farid Pardashunas
Həftənin ən yaxşı iOS oyunlarını sizlərə təqdim edirik.
Lost Tracks
Sözügedən oyun bir sıra sosioloji problemlərə toxunur.
Oyunun baş qəhrəmanı, metroda bir qızla tanış olmağa ürək etməyən və özünə
inamı olmayan oğlandır. Ruhi konfliktlərin fonunda həmin personaj öz daxili
dünyasına düşərək qorxuları ilə mübarizə aparmağa başlayır. Oyun 3 kiçik hissədən
ibarətdir. Hər bir hissədə isə oyunçudan müxtəlif tapşırıqların yerinə yetirilməsi
tələb olunur. İlk öncə siz dəmiryolu çeviricisini tapmaq üçün qaranlıq və
dumanlı ərazidə gəzməli olacaqsınız. Birinci səviyyədə personaj müəyyən sərhədlər
çərçivəsində hərəkət edirsə, ikinci hissədə heç bir sərhəd olmur. Belə ki,
ikinci hissə tamamilə dumanlanmış ərazidən ibarətdir və burada oyunçu yalnız səsə
uyğun öz istiqamətini təyin etməli olacaq. Məhz bu hissədə oyunçunun
qulaqlıqlardan istifadə etməsi məsləhət görülür. Oyunu burdan yükləyə bilərsiniz.
Super Hyper Ball 2
Sözügedən oyunun maraqlı cəhəti ondan ibarətdir ki, o özündə iki oyunu birləşdirir (pinbol və arkanoid). Bu iki oyunun sintezi çox dinamik və
maraqlı alınıb. Özü-özlüyündə oyunun ideyası maraqlıdır. Belə ki, şarlı
arkanoid ilə aşağıda hərəkət edən kiçik platforma, pinbol masasına inteqrasiya
olunub. Həmçinin burda hamımızın pinbol oyununda yaxşı tanıdığı iki ədəd idarəetmə
qolu var hansılar ki, şarı yuxarı hissələrə atır. Tələb olunan əsas şərt isə
şarın, ekranın aşağı hissəsinə düşməməsini təmin etməkdir. Bunun üçün oyunçu,
aşağı hissədə yerləşən və hərəkət edən platformaya sahibdir. Bundan əlavə
olaraq iki ədəd idarəedici qoldan elə məharətlə istifadə etmək lazımdır ki, şar
sizə münasib yuxarı hissədə yerləşsin. Oyunu burdan yükləyə bilərsiniz.
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)