Həftənin ən yaxşı iOS oyunları (4 Dekabr)
Digər
07.05.2017
Farid Pardashunas
iPhone və iPad istifadəçiləri üçün
həftənin ən yaxşı iOS oyunlarını təqim edirik.
Stair Heroes
Oyunda səviyyələr sonsuz uzanan
pilləkənlərdən ibarətdir. İdeyaya əsasən həmin pilləkənlər göydə başlayıb Yer
kürəsinin səthində bitməlidir. Lakin bu baş vermir. Buna səbəb isə sizinlər
birlikdə həmin pilləkənlərdən aşağı düşən düşmənlərdir. Onlara toxunduğunuz
zaman həmin saniyədə uduzacaqsınız. Düşmənlər sizdən bəzi xüsusiyyətlərə görə
üstündürlər. Birincisi onlar çoxdurlar, ikincisi isə onlar sürətlə hətəkət
edirlər. Lakin onların hərəkət istiqamətlərini öncədən bilmək olar. Bundan
istifadə edərək siz onların arasından rahatlıqla keçə biləcəksiniz. Pilləkənlə
aşağı düşən zaman oyunçu sarı rəngli kubları yığmalıdır. Həmin kublar yerli
valyuta hesab olunur. Kublar vasitəsilə sizlər yeni personajları aktiv edə biləcəksiniz.
Bununla yanaşı kubları təkcə siz deyil, düşmənləriniz də götürə bilər. Beləliklə
oyuna bir növ həyəcan da qatılır. Oyunu burdan yükləyə bilərsiniz.
Ski Race Club
Sözügedən oyun, dağ xizak idman
növünə aiddir. Oyunun sadə olmasına baxmayaraq o, yüksək dinamikaya və çətinliyə
sahibdir. İlk öncə ondan başlamaq lazımdır ki, bu oyunda finiş xəttinə çatmaq
çox çətindir. Əgər ilk 3 oyun səviyyəsində oyunçular çətinlik çəkməsələr belə
sonrakı səviyyələrdə onlar sözün əsl mənasında əziyyət çəkməli olacaqlar.
Oyunda yalnız iki idarəetmə elementi var. Ekranın sağ hissəsinə kliklədikdə
idmançı sağ istiqamətdə, ekranın sol tərəfinə kliklədikdə isə idmançı sol
istiqamətdə hərəkət edəcək. Əlavə heç bir idarəetmə düyməsi yoxdur. Əsas məqsəd
idmançıya heç bir zərər yetirmədən finiş xəttinə çatmaqdır. Oyunda 21 səviyyə
mövcuddur. Onlardan 3-ü yeni başlayan oyunçular, qalanları isə professional və
ekstremallar üçündür. Oyunu burdan yükləyə bilərsiniz.
Paper.io
Strategiya hesab olunan bu oyunda
hər bir kiçik səhv belə böyük fatal nəticələrə gətirə bilər. Oyun qaydaları çox
sadədir. Hər bir oyunçuya kvadrat formalı obyekt verilir. Həmin obyekti hərəkət
etdirəndə o, şəffaf izlər buraxır. Artıq olan digər şəffaf izlə sizin
buraxdığınız izi birləşdirən zaman siz öz ərazinizi genişləndirəcəksiniz. Təbii
ki, oyunda ərazisini genişləndirməyə çalışan yeganə oyunçu siz olmayacaqsınız.
Qalib gəlmək üçün bütün ərazini ələ keçirtmək lazımdır. Lakin bunu etmək demək
olar ki, qeyri-mümkündür. Belə ki, oyunda səhv etmək şansı çox yüksəkdir. Hər
bir oyunçunun zəif nöqtəsi, obyektin özündən sonra buraxdığı izdir. Digər
oyunçunu qovmaq üçün sadəcə olaraq onun izinin üzərindən keçmək kifayətdir. Bu
halda həmin oyunçu oyunu tərk edəcək, onun ələ keçirtdiyi ərazi isə tamamilə neytral
olacaq. Nəticə etibari ilə oyun, ərazilərin ələ keçirilməsindən ibarətdir. Oyunu burdan yükləyə bilərsiniz.
Linki kopyala
Həftənin xəbərləri
"Premium" dizayna malik uyğun qiymətli smartfon: HONOR X8b bizə nələri vəd edir?
Whatsapp yaxın zamanda 2 yeni funksiyanı əldə edəcək