Həftənin ən yaxşı iOS oyunları (5 Mart)
Digər
07.05.2017
Farid Pardashunas
Həftənin ən yaxşı iOS oyunlarını sizlərə təqdim edirik.
Yield
Sözügedən oyunda siz müxtəlif yol hadisələri ilə
qarşılacaqsınız. İlk nəqliyyat kimi siz, yüngül avtomobildən istifadə edəcəksiniz.
Heç bir özəlliyi ilə fərqlənməyən bu avtomobil ilk vaxtlarda sizin işinizi görəcək.
Əsas məsələ, yoldakı maneələrə diqqət yetirməkdir. Həmin maneələr isə saysız
hesabsızdır. Çox zaman qarşı tərəfdən gələ biləcək digər nəqliyyat növləri
sizlər üçün problemlər yarada bilər. Buna görə də yolunuzu tez-tez dəyişməyə hazır
olun. Bəlkədə oyunun əsas özəlliklərindən biri avtomobilin tormoz və arxaya
getmə özəlliyidir. Oyun səviyyələrinin mühitini nəzərə alsaq, bu xüsusiyyətlər
çox vacibdir. Oyunda həmçinin bir sıra gücləndiricilər var. Məsələn sizin
avtomobiliniz müəyyən müddət ərzində istənilən fiziki zərbəyə davamlı ola və ya
xüsusi işıqlandırma sistemi vasitəsilə rahat bir şəkildə döngələri dönə bilər.
Həmçinin oyun səviyyələrində rast gəlinən qızıl pulların sayını çoxaldan gücləndiricilər
də var. Oyundaxili valyuta sayəsində siz yeni avtomobil ala bilərsiniz. Yeni
avtomobil nəinki öz fərqli dizaynı ilə seçiləcək, həmdə daha böyük sürətə sahib
olacaq. Oyunu burdan yükləyə bilərsiniz.
Glass 2 Glass
Bu oyunu, barmen işinə başlayan insanlar üçün mükəmməl hesab
etmək olar. Oyunun məğzi çox sadədir. Belə ki, sizin qarşınızda həmişə iki stəkan
olacaq. Onlardan biri heç vaxt dəyişilməz olaraq qalacaq. Digəri isə müəyyən
vaxtdan sonra öz ölçüsünü və formasını dəyişəcək. Əsas tapşırıq isə ondan ibarətdir
ki, birinci stəkanı elə miqdarda maye ilə doldurmaq lazımdır ki, həmin maye,
ikinci stəkanın lazımi hissəsi ilə düz gəlsin. Yəni əgər birinci stəkana lazım
olan miqdardan çox maye töksəniz, onda siz uduzacaqsınız. Az tökdüyünüz halda
da uduzacaqsınız. Tapşırıq ilk baxışdan asan görünsə də əslində qəlizdir. Çünki
ikinci stəkan həmişə öz ölçü və formasını dəyişəcək. Oyunda singleplayer rejimdən
əlavə olaraq real oyunçular ilə rəqabət aparmaq üçün xüsusi rejim də var. Bu
rejimdə oyun prosesi bir qədər fərqlidir. Singleplayer rejimdə edilən şeyləri
burda da etmək lazımdır. Lakin mayenin az və ya çox tökülməsinə görə siz
uduzmayacaqsınız. Müəyyən vaxt ərzində mayenin düzgün miqdarda tökülməsi
tapşırığını daha çox yerinə yetirən oyunçu sonunda qalib gələcək. Həmçinin
oyunda xüsusi tapşırıqlar da var. Məsələn tapşırıqların birində əsas stəkanın
içində müəyyən əşya olacaq və siz mayeni, stəkana tökən zaman həmin əşyanı nəzərə
almalı olacaqsınız. Oyunu burdan yükləyə bilərsiniz.
Linki kopyala
Bənzər xəbərlər
Oxşar xəbərlər
Həftənin xəbərləri
Huawei Pura 70 və Pura 70 Pro təqdim olunublar - QİYMƏTİ
WhatsApp-da AirDrop analoqu istifadəyə veriləcək