Həftənin ən yaxşı iOS oyunları (8 Yanvar)
Digər
07.05.2017
Farid Pardashunas
iPhone və iPad istifadəçilərinə həftənin ən yaxşı iOS oyunlarını təqdim edirik.
Spiral Tower
Ketchapp studiyası öz keyfiyyətli və dinamik oyunları ilə
oyunçuları sevindirməkdə davam edir. Studiyanın sonuncu oyunlarından biri olan Spiral
Tower bizim cəldlik və reaksiyamıza meydan oxuyur. Beləliklə yeni oyunda
oyunçulara, hündürlüyü sonsuza qədər olan qala təqdim edilir. Həmin qalanın ətrafında
isə pilləkənlər yerləşir. Məhz bu pilləkənlərlə oyunçu bacardığı qədər yüksəyə
doğru irəliləməlidir. Onu da qeyd etmək lazımdır ki, yeni oyunda biz, kub
formalı obyekti idarə edirik. Oyunun gameplay özəlliyi belədir. Deməli
telefonun ekranına bir dəfə toxunan zaman kub hərəkət etməyə başlayır. Barmağı
ekrandan çəkəndə isə kub hərəkətsiz şəkildə dayanır. Pilləkənlər isə öz növbəsində
oyunçunun diqqətini yayındırmağa çalışacaq və səhv etməyə məcbur edəcək müxtəlif
maneələr və obyektlərlə doludur. Oyunda olan maneələr müxtəlif hərəkət sürətinə
malikdirlər. İlk baxışdan oyunçuya elə gəlir ki, oyunda tələsməyə ehtiyac
yoxdur. Lakin bir şeyi nəzərə almaq lazımdır ki, pilləkənlər öz-özünə məhv
olmaq qabiliyyətinə sahibdirlər. Buna görədə bir yerdə çox dayanmaq olmaz.
Oyunu burdan yükləyə bilərsiniz.
Kubik
Ketchapp studiyası öz ənənəsinə sadiq qalaraq minimalistik tərzdə
maraqlı oyunlar hazırlamaqda davam edir. Kubik oyunu da istisna deyil. Sözügedən
oyun məşhur tetrisə fərqli baxış nöqtəsidir. Oyunun gameplayi hamıya tanış olan
mexanika və konsepsiyanı təkrar edir. Belə ki, oyunçu boş olan əraziləri müxtəlif
formalı fiqurlarla doldurmalıdır. Bununla yanaşı yeni oyuna bir neçə maraqlı
xüsusiyyət də əlavə olunub. İlk öncə Kubik oyununda göydən düşən fiqurların vəziyyətlərini
biz nəinki dəyişə hətta onları hərəkət belə etdirə bilmirik. Bunun əvəzinə
fiqurların düşdüyü platformanın özü, öz oxu ətrafında fırlanır. Həmdə oyun 3D
formatında hazırlanıb. Nəticədə oyun biraz qəlizləşsə də ona öyrəşmək olar.
Bundan əlavə olaraq fiqurların siyahısına yeni həndəsi fiqurlar da əlavə
olunub. Bu, mənfi cəhətdən daha çox müsbət cəhətdir. Prinsipcə oyunun bizlərə təqdim
etdiyi xüsusiyyətlər bununla bitir. Hamıya tanış olan standart oyun tamamilə
yeni formatda bizləri sevindirir. Oyunu burdan yükləyə bilərsiniz.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Galaxy C seriyası geri qayıtdı: Samsung Galaxy C55 5G smartfonu təqdim edilib - QİYMƏTİ