Hitlerin ölüm əmri verdiyi dünyanın ən güclü telepatı
07.05.2017
Farid Pardashunas
Dünyada ən güclü telepat olaraq bilinən Volf Messing haqda maraqlı faktlar.
1899-1974-cü illərdə yaşamış Volf Messing
Sovet dövrünün ən tanınmış telepatı adını almağı bacarmışdı. Onun belə ada
layiq görülmə səbəbi isə malik olduğu zehin, fikir oxuma bacarığı idi.
Messingin ailəsi olduqca kasıb olmuş və onu
din məktəbində oxumağa məcbur etmişlər. Bununla razılaşmayan Messing 11 yaşında
evdən qaçıb. Hələ balaca uşaq olduğundan yanında pulu olmayan Messing qatara
minir və gizlənir. Amma yoxlamada nəzarətçinin ona yaxınlaşacağını bilən
Messing balaca bir qəzet parçası tapır və nəzarətçiyə təqdim edərkən onun gözlərinin
içinə baxaraq fikrini oxumağa çalışır. Nəzarətçi kağızı çevirərək ona möhür
vuraraq qaytarır. Bundan sonra Messing özünün bu bacarığını inkişaf etdirmək qərarına
gəlir. Berlinə gələrək müxtəlif işlərdə çalışır. Sirkdə çalışarkən müxtəlif
insanların yazdığı gizli qeydləri fikirlərini oxuyaraq onlara bildirir. Bir
müddət sonra məşhurlaşan Messing beləliklə, 10 il müddətində dünyanın bir çox
yerlərinə səyahət edir. Səfərləri ərəfəsində Eynşteyn, Qandi kimi məşhur
insanlarla görüşərək, fikir müdafiəsi edir.
1937-ci ildə bir iddia ilə çıxış edərək,
Hitlerin Şərqə hücum etməsi ilə sonunun olacağını bildirir. Təbii ki, Hitler
buna biganə qalmır və onun başına 200.000 mark mükafat qoyur. Bir dəfə faşistlər
tərəfindən tutulan Messing döyülərək məntəqəyə aparılır. Amma yenə öz istedadından
istifadə edərək ordan əlini qolunu sallayaraq çıxıb gedər. Hətta gedərkən arxadan
qapını da bağlayaraq onları içəridə qoyur. Bundan sonra təqib olunacağını
anlayan Messing Rusiyaya üz tutur.
İştirak etdiyi bir mərasimdə Stalinin əmri
ilə tutularaq 3 testlə sınağa çəkilir.
Birinci sınaqda bankdan 100.000 rubl
oğurlamaq tələb olunur. Banka gələn Messing 2 vərəqi bank nəzarətçisinə təqdim
edir və eyni zamanda ona təlqinlər verməyə başlayır. İçində yazılar yazılan vərəqləri
bank hesabı kimi qəbul edən nəzarətçi istənilən məbləği ona verir. Daha sonra
Messing çantanı Stalinin adamlarına göstərib əmin edir və geri qaytarır. Amma nəzarətçiyə
bu haqda danışıldıqda o heç nə xatırlamadığını bildirir.
İkinci tapşırıqda Messingin hökümət
binasına girməsi və təkrar çıxması istənilir. Amma bundan əvvəl Messingi görəndə
onu öldürmək əmri verilir. Buna baxmayaraq, Messing yenə işin öhdəsindən çox
asanlıqla gəlir və hətta o, binadan çıxanda bütün əsgərlər sıra ilə düzülür və
ona salam verirlər.
Üçüncü və ən çətin tapşırıq isə xüsusi
qoruma tərəfindən qorunan Kuntsevonun otağına icazəsiz girməsi ilə bağlı olur.
Bir çox otaqdan asanlıqla keçən Messing, ən son Stalinin otağına çatanda Stalin
donub qalır və buna necə nail olduğunu soruşur. O, isə işçilərə təlqin edərək
onları özünün Stalinin işçilərindən olan Beria olduğuna inandırdığını bildirir.
Təəccüblü olan isə bu iki şəxs arasında heç bir zahiri oxşarlığın olmaması idi.
Bir çox siyasətçilər onun təhlükəli olduğunu
bildirib öldürülməsini istəmişlər. Amma buna baxmayaraq, Stalin onu sonadək
qoruma altına alıb.
Onunla aparılan bir reportajda insanların
düşüncələrinin onun ağlına obrazlar şəkilində gəldiyini, fiziki toxunma zamanı
bunun daha asan olduğunu amma fiziki təmasın önəm daşımadığını bildirib. Onun
sözlərinə görə eşitmə və danışma əngəlli insanların fikirlərini oxumaq daha
asandır. Düşüncəsi qarışan insanların isə fikrini oxumaq çətindir.
Messing 8 noyabr 1974-də Moskvada dünyasını
dəyişib və dünyanın ən məşhur telepatı olaraq tarixə adını yazdırmağı bacarıb.
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!