"HTC" telefon bazarından çəkilə bilər
Elm & Texnologiya
07.05.2017
Farid Pardashunas
Hal-hazırda ağıllı telefon bazarında şirkətlərin bir-biri ilə rəqabəti hər kəsə məlumdur. Belə ki, bəzi şirkətlər mobil telefon bazarından çəkildiyi halda digərləri əksinə yeni başlanğıca imza atır.
Belə ki, bazardan çəkilməsi haqda məlumatlar
yayılan telefon istehsalçılarından biri də "HTC”dir. Hansı ki, son 2-3 ildə
telefon bazarında o qədər də öz fərqliliyini hiss etdirə bilmir. İstər dizayn,
istərsə də proqramlama baxımından o qədər də irəli performans göstərə bilməyən "HTC”, "Nokia” şirkəti kimi bir müddətlik bu sahədən aralı düşə bilər. Belə ki, "Apple”
və "Samsung”un liderlik etdiyi bazar mühitində HTC-nin hər hansı fərqlilik göstərməməsi
gələcəkdə onun iflasına səbəb ola bilər.
Bəziləri hətta buna görə "HTC"nin öz hissələrini
sataraq ağıllı telefon sahəsindən çıxacağını iddia edir. Bu isə önümüzdəki illərdə
HTC markalı telefonlara rast gəlməyəcəyimiz anlamını ifadə edir.
Hətta bəzi iddialara görə "HTC”ni "Google”
ala bilər. Bildiyiniz kimi "Google” yeni Pixel telefonlarını istifadəçilərə təqdim
edəcək. Bu sektorda yeni olmasına baxmayaraq Pixel telefonları çox böyük diqqət
çəkməyi bacarıb. Məsələyə məntiqli yanaşsaq şirkətin belə bir addım atması, yəni
"Google”un "HTC”ni alması və ya onunla tərəfdaş olması mümkündür. Yəni işə
sıfırdan başlamaqdansa, təcrübəsi olan biri ilə işləmək daha məntiqlidir.
HTC isə öz markasını ayaqda saxlaması üçün
ehtimal ki, VR cihazlara üstünlük verəcək.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Galaxy C seriyası geri qayıtdı: Samsung Galaxy C55 5G smartfonu təqdim edilib - QİYMƏTİ