İnsanlara küsən robot icad olunub

200

Süni zəka gedərək daha da inkişaf edir və hətta İsveçrədə Alexia Lechot adlı dizayner küsməyi bacaran xarakterə sahib robot icad edib. iPad istifadə edərək oyun oynayan robot uduzmağı heç sevmir

Əsasən fabrik və atelyelərdə məhsul montajında istifadə olunan Deltu robotlara bir yenisi daha əlavə olundu. Amma bu robot digərlərindən bir qədər fərqlidir. Belə ki, bu robotu hirsləndirdikdə oyun oynamağı dayandırıb özü ilə məşğul olmağa başlayır, hətta selfi çəkib Instagram-da paylaşır.

Deltu adlı bu robot oyun oynayır, amma uduzmağı heç sevmir

 


 

İsveçrədəki dizayn məktəbinin məzunu Alexia Lechot-un icad etdiyi bu robot bir növ insana xas xüsusiyyətləri özündə daşıyır. Belə ki, bir müddətdir insan və robot arasında münasibətlər mövzusunda iş aparan dizaynerin yeni robotu məhz bu hərəkətlərə əsaslanır.

Sadə süni zəkaya sahib Deltu, insanlarla münasibət qurmaq üçün nəzərdə tutulub. Videodan da göründüyü kimi Deltu qarşısındakı rəqibinə uduzanda robot oyuna son verib fərqli işlərə yönəlir.

Deltunun bu xüsusiyyətləri balaca bir uşağı xatırladır. Amma bunun hələ ki, başlanğıc model olduğunu nəzərə alsaq irəlidə daha nə yeniliklər olacağı maraq doğurur.