iOS üçün də WhatsApp videozəng funksiyası aktiv edildi

Bir neçə həftə bundan öncə WhatsApp developerləri çoxdan gözlənilən videozəng xüsusiyyətinin messencerə əlavə olunmasını təsdiq etmişdilər.

Bugün isə iOS platforması üçün nəzərdə tutulmuş messencer yeniləndi və ona da videozəng funksiyası əlavə olundu. iOS üçün videozəng funksiyası WhatsApp 2.16.18 yenilənməsində yer alıb. Bu funksiya özü özlüyündə pulsuzdur. Lakin unutmaq lazım deyil ki, istifadə etdiyiniz mobil operator, həmin funksiyaya görə müəyyən miqdarda balansdan vəsait çıxacaq. Videozəng funksiyasının çalışması üçün iOS 8 və ya daha yeni versiya əməliyyat sistemi lazım olacaq. Bundan əlavə olaraq bu yenilənmədə həmçinin messencerin özündən GIF formatlı animasiya fotoların axtarış sistemi də yer alıb. Yenilənməni bu linkdən yükləyə bilərsiniz.