iTunes istifadəçiləri filmlərə premyerasından əvvəl baxmaq şansı əldə edə bilərlər
Elm & Texnologiya
07.05.2017
Farid Pardashunas
Apple, iTunes üçün yeni xüsusiyyət hazırlıqları görməkdədir. iTunes tez bir zamanda bütün film sevərləri öz ətrafında toplaya bilər.
Bir çox insan ekranlara çıxacaq filmləri əvvəlcədən
izləmək istəyir. Artıq bunun üçün gözləməyə ehtiyac yoxdur. İnsanların bu istəyini
nəzərə alan Apple şirkəti film sevərlərə bu şansı yarada bilər. Belə ki, iTunes
istifadəçiləri artıq film ekranlara çıxmadan onu izləyə bilərlər.
Apple öz istifadəçilərinə bu şansı yaratmaq
üçün işlər aparır. Apple, iTunes istifadəçilərinin bu istəyini yerinə yetirmək
üçün 21st Century Fox, Warner Bros. və Universal film istehsalçıları ilə
danışıqlar aparmaqdadır.
Onlar arasında anlaşma baş tutarsa, iTunes istifadəçiləri filmlərin premyerasından əvvəl ona baxmaq şansı əldə edə biləcəklər.
Təbii ki, bunun üçün müəyyən edilmiş məbləğ ödənilməlidir və bu məbləğin adi
biletdən bir qədər baha olması da istisna olunmur.
Təbii ki, bu bir çoxlarını sevindirsə də
sosial mediada spoiler davalarına da səbəb olacaq. Amma burdan gələn gəliri nəzərə
alsaq həm şirkətlər, həm də Apple yetərincə xeyir qazanmış olacaq.
Bir çox kino zalları film
istehsalçılarından 90 gün ərzində bir filmi başqa bir yerə satmamaq şərti tələb
edirlər. Əslində burda təəccüblü heç bir tərəf yoxdur. Əgər film istehsalçıları
ortaq məxrəcə gələ bilsələr həm Apple-dan, həm də film nümayişi yerlərindən
yaxşı gəlir əldə edə biləcəklər.
Linki kopyala
Bənzər xəbərlər
Oxşar xəbərlər
Həftənin xəbərləri
Huawei Pura 70 və Pura 70 Pro təqdim olunublar - QİYMƏTİ
Telegram-ın yaradıcısı Pavel Durov geniş müsahibə verib (VİDEO)