Microsoft Office 365 üçün yeni funksiyalar gəlir
Elm & Texnologiya
07.05.2017
Farid Pardashunas
Microsoft şirkəti Office 365 tətbiq seriyası üçün yeni
funksiyaları özündə birləşdirən yenilənməni təqdim etməyə hazırlaşır. Sözügedən
yeni funksiyalar sənədlər ilə işləmək prosesini asanlaşdıracaq. Dəyişikliklər Word,
Excel, PowerPoint və elektron cədvəl ilə işləməyə əlavə olunub. Office 365 üçün
çıxacaq yenilənmə avtomatlaşdırma təlimi və şirkətin şəbəkə servis
texnologiyalarından istifadə edəcək. Məsələn Word-un yeni funksiyası olan "Researcher
for Word” istifadəçini maraqlandıran mövzu haqqında istənilən məlumatı kənar tətbiqlərdən
(brauzerlər) istifadə etmədən tapmağa imkan verəcək. Məlumatların axtarış mənbələri
rolunda online sorğu kitabçaları, ensiklopediyalar, elmi-tədqiqat mərkəzləri, məlumatlar
bazası və s. çıxış edəcəklər.
"Editor for Word” adlı daha bir yeni funksiya Microsoft-un
avtomatlaşdırma təlimi texnologiyasından istifadə edərək mətndəki orfoqrafiya və
qrammatikanı yoxlayacaq. Beləliklə sistem mətndəki səhvləri işarələməkdən əlavə
olaraq müəllifə mətnin mənası haqqında məsləhətlər verərək hansı yerdə bu və ya
digər sözü düzəltmək yaxud onu başqası ilə əvəz etmək kimi köməklik edəcək.
Elektron poçt servisi Outlook-un web versiyası mobil versiyasından Focused
Inbox funksiyasını özünə əlavə edib. Gmail-in Priority Inbox funksiyası kimi
Focused Inbox da qəbul edilən ismarıcları vacibliyinə görə növlərə ayıracaq.
Bundan əlavə olaraq elektron poçt sistemində Twitter-dəki kimi digər insanları
qeyd etmək (@ işarəsi vasitəsilə) mümkün olacaq. İsmarıcda adı qeyd olunan şəxsin
elektron poçt ünvanı avtomatik olaraq (əgər həmin şəxsin məlumatları elektron
kitabçaya daxil edilibsə) "Whom” bölməsinə əlavə olunacaq. İsmarıcda adları
qeyd olunmuş şəxslər göy rəng ilə, qəbul olunmuş bölməsinə göndərilən
ismarıclar isə bayraq işarəsi ilə işarələnəcək.
PowerPoint prezentasiyaları artıq darıxdırıcı olmayacaqlar. "Zoom”
adlı yeni funksiya slaydlar arasındakı keçidi daha səlis və dinamik edəcək.
Bundan əlavə olaraq digər dəbli effektlər əlavə olunacaq. Misal olaraq
aşağıdakı videoya baxa bilərsiniz. Office 365 Insiders proqramının istifadəçiləri
üçün yeniliklər bu ay aktiv olacaq. Qalan istifadəçilər isə beta-testin bitməyini
gözləməli olacaqlar.
Linki kopyala
Bənzər xəbərlər
Oxşar xəbərlər
Həftənin xəbərləri
