"Microsoft" yeni nəsil Surface kompüter seriyasını təqdim etdi (VİDEO)
Elm & Texnologiya
07.05.2017
Farid Pardashunas
"Microsoft” şirkəti özünün yeni noutbook-u Surface Book-u və stolüstü Surface Studio kompüterini təqdim edib.
Yeni Microsoft Surface Book dizayn
baxımından keçmiş nəsildən heç nə ilə fərqlənmir. Bu, həminki 13.3 inç ekrana və
quraşdırıla bilən klaviaturaya sahib planşetdir. Noutbook son model Intel Core
i7 Kaby Lake prosessoru ilə təchiz olunub. Şirkət Surface Book-u bu tərz
kompüterlər arasında ən güclü olduğunu bildirib. Həmçinin noutbook rekord işləmə
müddətinə sahibdir. Belə ki, Surface Book bir şarj olunmadan sonra 16 saat müddətində
çalışa bilir. Yeni noutbook ön sifarişlə 26 Oktyabr tarixindən satılacaq. Onun
qiyməti isə 2399$ olacaq.
Surface Book-dan əlavə olaraq şirkət, "Apple”ın iMac-na cavab olaraq stolüstü Surface Studio kompüterini də təqdim
edib. Kompüter ən nazik matrisaya sahib (12.5 mm) 28 inç-lik sensorlu ekran ilə
təchiz olunub. Surface Studio, 4 nüvəli Intel Core i7 Kaby Lake prosessoru, 32
GB RAM və 2 TB-lıq yaddaş həcminə sahibdir. Qeyd etmək lazımdır ki, bu göstəricilər
yalnız ən yüksək göstəricilər olan versiyaya sahib model üçündür. Həmçinin şirkət kompüter üçün Surface Dial cihazını da təqdim edib. Bu, stilus ilə işləmək
üçün əlavə idarəetmə cihazıdır. Şirkət bu cihazı təhsil, iş və oyunlar üçün ən
rahat cihaz kimi təqdim edir. Kompüter əsasən video və qrafika ilə işləyənlər
üçün mükəmməl seçimdir. Ən maraqlısı isə kompüterin qiymətidir. Baza komplektli
Surface Studio 3000$-a başa gələcək. Həmin komplektə kompüterin özü (Intel Core
i5, 8 GB RAM, 1 TB yaddaş həcmi) klaviatura, mouse, stilus və Dial cihazı daxil
olacaq. Kompüterin ön sifarişi 26 Oktyabr tarixindən başlayacaq.
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)