Öz beyin bacarıqlarını sınamağa hazırsan?

1059

Red Bull Mind Gamers sənin beyninin hüdudlarını sınamaq istəyir.


Biz hamımız əqli səviyyədə sınanmağı xoşlayırıq, buna görə də gündəlik krossvord həll edirik və ya kompüter oyunları oynayırıq.

Heyrətamiz və yeni qlobal platforma ilə Red Bull Mind Gamers parlaq zehinlər üçün özlərini sınamaq şansı yaradır.

Bu tədbir artıq Missiya: "Unlock Enoch” ilə bir yerdə başlayır. Yarışmanın dünya finalında -2017-ci ildə Budapeştdə keçiriləcək "Escape Room" oyunu üzrə qlobal turnirdə iştirak etmək şansı əldə etmək üçün oyunçular yarışın ilk iki mərhələsində öz bacarıqlarını sübut etməlidirlər.

Artıq RedBullMindGamers.com/mission/events ünvanında onlayn sınaqlar başlayıb. Yarışmada iştirak şansı qazanmaq üçün oyunçular öz şəhərini seçib tək oyunçu (single-player) rejimdə pazl oyunu oynayıb, seçim mərhələsini keçməlidirlər. Seçim mərhələsini keçmək – ölkə üzrə ən güclülərin siyahısına daxil olmaq deməkdir. Növbəti mərhələdə qaliblər real həyatda baş tutan seçim turunda iştirak edirlər. Burada onlayn seçim mərhələsini keçən hər bir oyunçu özünə üç nəfər yoldaş tapıb, dörd nəfərdən ibarət komanda yaratmalı və məntiq, yaradıcılıq, vizual qavrama və strategiya sahəsində bacarıqlarından istifadə etməklə 20 dəqiqə ərzində, komanda şəklində oyunu keçməlidirlər.

Hər ölkənin ən sürətli komandası Missiya: "Unlock Enoch" dünya çempionatında iştirak etməyə yollanacaq.




Qalib milli komandalar 2017-ci ilin mart ayında təşkil olunacaq dünya çempionatında iştirak etmək üçün Budapeştə (Macarıstan) səyahət təklifi alacaqlar. Burada onlar indiyə qədər görünməmiş, kvant məntiqinə əsaslanan "Escape Room" oyununun iştirakçısı olacaqlar.

Final oyun, bu sahənin peşəkarları Skot Nikolson, həmçinin Robert Duran, Şon Harrison və Kris Tenuta tərəfindən Kanadanın Brantford şəhərində yerləşən Wilfrid Laurier Universitetində dizayn ediləcək və "Fox in the Box" tərəfindən hazırlanacaq.

Layihənin keçirilməsinin ilham mənbəyi Terra Meyterin çəkdiyi "Mind Gamers" filmi olub, oyun isə "MIT Game Lab”-ın təşkilatçılığı ilə Massaçusets Texnologiya İnstitutu oyun laboratoriyasında tədqiqatçı Konstantin Mitqutş hazırlayıb.


"Müxtəlif ixtisaslar üzrə təhsil alan 40-dan çox tələbə dəvət etdik. Məqsəd ciddi bir məsələni həll etmək idi: "Qlobal, rəqabət yaradan, birləşdirən, mədəniyyətlərarası və çitlərə qarşı dözümlü bir oyununu necə hazırlamaq olar". – Minqutş deyir.

O, əlavə etdi: "Biz hamımız əqli səviyyədə sınanmağı xoşlayırıq, lakin pazl oyunlarının bir çoxu tək oyunçunun oynaması üçün nəzərdə tutulub. Missiya: "Unlock Enoch” oyununda oyunçular komanda qura, intellektual qüvvələrini birləşdirə və öz nəticələrini milli və beynəlxalq səviyyələrdə müqayisə edə bilərlər. Biz bütün ən görkəmli zəkalar üçün rəqabət məkanı yaratmaq istəyirik".

Bəs onun iştirakçı komandalara məsləhəti nədir? "Bütün intellektual bacarıqlara malik olan, üzvləri yüksək səviyyədə ünsiyyət nümayiş etdirən yalnız bir komanda qalib ola biləcək".

Hal-hazırda bütün dünya ölkələri üzrə milli seçim turları keçirilir. Bu yarışmalarda 8000-dən çox ən müxtəlif oyunçu iştirak edir.

Bütün tədbirlər və onlayn seçim mərhələsində iştirak haqqında əlavə məlumat almaq üçün "Red Bull Mind Gamers" rəsmi saytına daxil ol.