Satılan Mal Geri Qaytarılmır!
Digər
07.05.2017
Farid Pardashunas
Mobil
telefonunuzdan nə qədər məmnunsunuz?
Yaxşı,
indi telefonu aldığınız günə geri qayıdaq. Mobil telefonunuzu almazdan 10 dəqiqə
əvvəl mi yoxsa aldıqdan 10 dəqiqə sonra mı daha müsbət fikirləriniz var idi?
Bir
qrup alim, qərardan əvvəl və sonra ilə bağlı bir tədqiqat aparıblar. Bunun üçün
texnologiya dükanları ya da hazır geyim dükanlarına yox, at yarışlarının
keçirildiyi hipodroma üz tutmuşdular. Əlbəttə söhbət atların verdiyi qərarlardan
getmir,
at yarışı həvəskarlarının verdiyi qərarlardan gedir.
Tədqiqatçılar
2 dollarlıq mərc oynamağa gedənlərə, atlarının qazanacağından nə qədər əmin
olduqlarını soruşdular. Yenə eyni sualı 2 dollarlıq mərcləri yatırdıqdan sonra
oyuna baxmağa gedənlərdən də soruşdular.
Pulunu
yatırmış olanların hardasa hamısı, hələki sıra gözləyənlərə nisbətlə, mərc
oynadıqları atın qazanmaq şansını daha yüksək görürdülər.
Bir
neçə dəqiqə içində nə baş vermişdi ki, bu insanlar qərarlarından bu qədər əmin
olmuşdular? Sadə dillə desək, bir qərar nə qədər qalıcı və dəyişdirilə bilinməyəcəkdirsə,
məmnuniyyət duymağa olan tələbimiz də bir o qədər artar.
Çünki
insanlar, yəni sən, mən, hamımız, qərarlarımız barədə özümüzü daha yaxşı hiss
etmək üçün seçimlərimizin ola biləcək pis tərəflərini göz ardı edirik. Yaxşı tərəflərini
isə lazım olduğundan daha çox qabardırıq.
Bəs
elədirsə, "alınan məhsul geri qaytarılmır” strategiyası firmalara zərər verir
mi? Bəli, əlbəttə. Yox, dəli olmamışam. Eyni şey biz müştəriləri də narahat
edir. Bu bir növ "müştəri itirmək” müqaviləsi kimidir.
Satılan
mal geri qaytarılmır ifadəsi əslində bir məmnuniyyət qaydasıdır.
Dünyanın
bir çox yerində Starbucks (Azərbaycanda olanı ziyarət etməmişəm – bilmirəm) , içkinizi
bəyənməsəniz dəyişdirə bilmək imkanı verir.
"Dadını bəyənmədiniz? Bəli, bu içki
çox tünddür, zəhmət olmasa dəyişdirin."
Ya
dəyişdirmək imkanınız olmasa idi?
"Tamam, qəbul edirəm biraz tünddür amma özümə
gələ bilməyimə kömək etdi” – kimi bəhanələrlə özünüzü məmnun etməyə çalışacaqsınız.
Halbuki dəyişdirmə şansınız olduqda buna heç ehtiyac duymayacaqsınız.
Bəs
sən müştəri olaraq hansını seçərsən?
Məhsullarını
aldığınız firmanın məqsədi nədir? Müştəri məmnuniyyəti, yoxsa satış?
Linki kopyala
Bənzər xəbərlər
Oxşar xəbərlər
Həftənin xəbərləri
