Silikon Vadisi rəhbərləri nə üçün uşaqlarını texnologiyasız təhsil verən məktəblərə göndərirlər?
Elm & Texnologiya
07.05.2017
Farid Pardashunas
Silikon Vadisində işləyən, gecəsi gündüzü texnologiya istehsal etmək və dünyaya təqdim etmək olan yüksək mövqeli rəhbərlər, uşaqlarını texnologiyanın qapısından belə girmədiyi məktəblərə göndərməyi üstün tuturlar.
Son texnologiya ilə təchiz edilmiş notebooklar, iPadlər və rəqəmsal
kitablar ilə təhsil verən böyük müəssisələr yerinə, təhsil materiallarının köhnə
üsul təbaşir-lövhə, kağız-qələm, toxuma işi, rəngli boyalar, bəzən də palçıq
olduğu "Waldorf” məktəblərini üstün görürlər. Bu məktəblərdə müəllimlər, dərsləri
ənənəvi təbaşıir və qara lövhə ilə keçirlər. Şagirdlər də kağız və qələm ilə
yazılanları qeyd edirlər. Yəni hazırda qlobal olaraq trend olan kompüterləşmənin
tam əksinə təhsil sistemi ilə işləyən məktəblər Silikon Vadisinin rəhbər işçilərinin
seçimlərində ilk pillələri tuturlar.
New York Times qəzetindəki bir
tədqiqata görə Ebay-ın texnologiya müdirlərindən tutmuş Google ilə Apple-ın rəhbərlərinə
qədər, Silikon Vadisinin vacib isimləri uşaqlarını içində kompüter olmayan məktəblərə
göndərməyi seçirlər.
Waldorf əslində 100 illik bir təhsil
sistemidir. Uşaqların sosial, emosional, zehni, ruhi və fiziki baxımdan çox tərəfli
olaraq inkişaf edə bilməsini hədəfləyir. Waldorfda ibtidadi siniflərdə iPad
mövcud deyil və uşaqlara texnologiya
yerinə bol-bol nağıl danışılır, oyun əsaslı təhsil verilir.
Waldorfda işləyən rəhbərlər texnologiyaya qarşı
olmadıqlarını, lakin hər şey üçün uyğun bir zamanın və məkanın olduğunu müdafiə
edirlər. Valideynlər də bu fəlsəfəyə qoşulurlar. Məsələn; Google-da rəhbər vəzifədə
işləyən Alan Eagle-ın mövzu ilə bağlı düşüncələri belədir:
"iPad-da yüklənmiş bir proqramın uşaqlara
daha yaxşı oxuma və hesab öyrədəcəyini düşünmək belə çox gülməlidir.”
Beşinci sinifə gedən qızının Google-u necə
istifadə edəcəyini bilmədiyini, ondan biraz daha böyük olan oğlunun isə hələ
yeni-yeni axtarış şəbəkəsindən istifadə etdiyini, amma bunun yerinə toxumağı
bacardıqlarını, şəkillər çəkdiklərini, öz corablarını tikə bildiklərini, qayçı
ya da bıçaq istifadə etmək kimi kiçik əl bacarıqlarının inkişaf etdiyini də əlavə
edir. Waldorf sisteminə görə, bu əhəmiyyətsiz görünən bacarıqlar, şəxsi
inkişafı dəstəkləyərək irəlidə problem həll etmək və riyaziyyat bilikləri kimi
bacarıqların əsasını yaradır. Məsələn; toxuma dərsləri riyazi düşüncə sistemini
gücləndirir.
Valideynlər 3 yaşındakı
uşaqlarının iPad və mouse istifadə etmək bacarıqı ilə öyünə bilərlər. Amma
Eagle-a görə Google və digər axtarış şəbəkələri tətbiqləri, onsuz da zəkası ən az
səviyyədə olan insanların belə rahatlıqla istifadə edə biləcəkləri qədər sadə
halda təqdim edilir. Qısası uşaqların böyüdükdə "texnologiya istifadə etmək
bacarıqlarından əksik qalması” deyə bir vəziyyətdən söz gedə bilməz. Bununla bərabər
əsl vacib olan uşağın ədəbiyyat, riyaziyyat, təməl elmlər, əl bacarıqları, visual
sənətlər və performans sənətləri kimi sahələrdə inkişaf edərək öyrənməkləridir.
Və bu bacarıqları virtualda əldə etmək mümkün deyil.
Waldorf sistemi, texnologiyasız təhsil metodları ilə
ömür boyu davam edən bir öyrənmə istəyi, yaradıcılıq, şəxslər arasından daha
güclü əlaqə və tənqidi düşüncə kimi bacarıqların yaradılmasını hədəfləyir. Bu
yanaşmanı müdafiə edən rəhbərlər təhsil fəlsəfələrinin uğurunu şagirdlərinin
sınaqlarda aldığı yüksək nəticələrlə isbatlayırlar.
Uşağınızın komputerin qarşısına oturmağı və
mouse istifadə etmə bacarığı ilə öyünməyi bir kənara buraxmaq, bunun yerinə onu
tikiş, qayçı istifadə etmək, rəngli xəmirlərdən fiqurlar yaratmaq kimi daha çox
zəka istifadəsi tələb edən işlər görməsi mövzusunda dəstəkləmək yaxşı bir fikir
ola bilər.
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!