Sutkada 25 saat nə zaman olacaq?
07.05.2017
Farid Pardashunas
Britaniyalı alimlər Yer kürəsində sutkanın 24 saat deyil, 25 saat olacağı vaxtı təyin ediblər.
Öz hesablamalarında alimlər
eramızdan əvvəl 750-ci ildən 2015-ci ilə kimi olan günəş və ay tutulmaları məlumatlarından
istifadə ediblər. Leslie Morrison-un başçılığı ilə olan tədqiqatçılar qrupu günəş
və ay tutulmaları haqqında məlumatlar yığaraq qədim Babil, Misir, Yunanıstan,
Çin və orta əsr Avropada bir sutkanın neçə saatdan ibarət olduğunu müəyyən
ediblər. Qədim sivilizasiyalar, tutulmaların dəqiq qeydini aparırdılar. Buna görə
də həmin məlumatlar günümüzə kimi qorunub saxlanmışdır. Bundan əvvəl alimlər,
Yer kürəsinin öz oxu ətrafında fırlanma sürətinin dəyişməsini də nəzərə
alıblar. Məlum olub ki, hər 100 il ərzində bir sutka, 1.8 millisaniyə artır.
Bunun əsas səbəbi isə qütb buzlaqlarının əriməsi, dünya okeanının səviyyəsinin
dəyişməsi, planetin nüvəsi ilə mantiyası arasında olan elektromaqnit qarşılıqlı
əlaqələri və s.-dir. Sutkanın 1 dəqiqəyə uzanması 6.7 milyon il ərzində baş
verir. Alimlər qənaətə gəliblər ki, gələcəkdə sutkanın uzunluğu artmaqda davam
edəcək. Hesablamalara əsasən isə 200 ildən sonra Yer kürəsində bir sutka 25
saata bərabər olacaq.
Linki kopyala
Bənzər xəbərlər
Oxşar xəbərlər
Həftənin xəbərləri
Huawei Pura 70 və Pura 70 Pro təqdim olunublar - QİYMƏTİ
Telegram-ın yaradıcısı Pavel Durov geniş müsahibə verib (VİDEO)