Telefon Batareyasını qorumaq üçün Sadə amma Təsirli 6 üsul!

1302

Ağıllı telefonunuzun batareyası sürətli şəkildə bitirsə və şarj cihazını daşımaq işgəncə halına çevrilibsə, bu 6 üsulla hərşeyi lehinizə dəyişə bilərsiniz.

Ağıllı telefonlar möhtəşəm cihazlardır: Onlar vasitəsilə ən keyfiyyətli filmləri izləyir, onu televizor pultu olaraq istifadə edə bilir və internetdə gəzərkən, mesajlaşma platformaları vasitəsilə dostlarınızla əlaqə qura bilirsiniz. Angry Birds, Cut The Rope, Candy Crush və s. kimi oynadığımız oyunları da yaddan çıxartmaq olmaz. Ancaq iş saatı başa çatmadan ekranda "10% batareya ömrü qaldı”ğını xəbərdar edən yazını görmək çox can sıxıcı olur.
 

Bu vəziyyəti lehimizə necə çevirə bilərik? Bir neçə üsulla batareya ömründən böyük ölçüdə qənaət edə bilməyiniz mümkündür.

Məkan bildiriş servisini bağlayın

GPS, batareyanı sürətlə bitirə bilən bir servisdir. Üstəlik niyə 7 gün 24 saat məkan bildiriş servisiniz açıq qalmalıdır? Əlavə olaraq da pis niyyətli insanların bu məlumatlardan istifadə edə biləcəyini unutmayın.

Video, film izləmək vərdişlərinizi dəyişin


Telefondan, film və ya seriala baxmaq xoş ola bilər amma bu keyfi, evinizdə TV-dən izləyərək çıxartmağınızı məsləhət görürük. 4G kimi xidmətlər həddindən artıq batareya ömrünün azalmasına səbəb olur. Serialın və ya filmin keyfiyyəti artdıqca batareyanın ömrü də sürətlə azalmağa davam edir.

Uzaqdan Qoşulma Xidmətlərini bağlayın


WiFi və Bluetooth çox vacib parametrlərdir amma lazım olmadıqda bağlı saxlamağı vərdiş halına çevirməyiniz ən yaxşı yoldur.

Parlaqlığı azaldın


Ağıllı telefonların böyük və yüksək parlaq ekranları, daha çox batareya ömrünün azalmasına səbəb olur. Əgər bunu sizin üçün telefonunuzun etməsini istəyirsinizsə, "avtomatik parlaqlıq” variantından istifadə edə bilərsiniz.

Bildirişləri bağlayın

Əgər çox da vacib deyilsə gərəksiz bildirişləri bağlayın. Bəzən gələn bildirişlər çox lazımsız olur və bu bildirişlərin tək məqsədi sanki batareyanın ömrünü azaltmaqdır.

Batareyaya qənaət rejimlərindən istifadə edin

Ağıllı telefon istehsalçıları, batareya qoruma rejimləri üçün ciddi investisiyalar edirlər. Tövsiyələrinə əməl etmək və bu seçimi bağlamamaq ən düzgün yol olacaqdır.