Universitetdə oxuyarkən iş qurmağın faydaları
Digər
07.05.2017
Farid Pardashunas
Universitet illəri bir çox tərəfdən həsrət ilə yad edilir. Təhsil aldığım universitet (UNEC) mənə həddindən artıq çox şey qazandırdı. Bir neçə uğursuz cəhddən sonra,
hal-hazırda işlədiyim "Technote" komandasına qoşulmaqla yanaşı öz şəxsi
Startup-ımı da qurmağa nail oldum və universitet
illərində əldə etdiklərim mənim üçün buna görə önəmlidir. Çünki heç bir zaman "əzilən
bir tələbə” olmadım və uğursuzluqları bir dərs olaraq qəbul etdim. Sizdə universitet illərini yaxşı dəyərləndirməlisiniz.
Bu illəri daha da yaxşı dəyərləndirmək üçün öz işinizi qurmağa da bu illərdə
başlamağınızı məsləhət görürəm. Nəyə görə?
1- Az risk, böyük qazanc
Hər şey bir
yana universitetdəsiniz. Bir işə başladığınız zaman ola biləcək ən pis ssenari,
işə başlamazdan əvvəl nə edirsinizsə, onu etməyə davam etmək olacaqdır.
Alacağınız
risk hər zaman olacağından daha azdır, çünki iş mövzusunda universitet bitdikdən
sonra risklər hər zaman artır. Ortalama hər il bir iş qurma fürsətiniz olur yəni
bu da ortalama bir tələbə universitet həyatı ərzində 4 iş qura bilər mənasını
verir. Təbii ki, bu cəhdlərdən ilki uğurlu olsa digərlərinə ehtiyac qalmayacağı
da bir həqiqətdir. Əgər uğursuz olsanız da əmin olun bu işləri qurmaq və idarə
etmək ərəfəsində yaşadıqlarınız və öyrəndikləriniz sizə böyük bir "məlumat
toplusu” olaraq geri qayıdacaqdır. Bu ərəfədə itirdikləriniz əslində
qazandıqlarınızdır.
2- Universitet mənbələri
Hər
universitetdə möhtəşəm mənbələr olmasa da heç kimin sizi sorğulamadığı kitabxana
mühitiniz, ödənişsiz və sürətli internetiniz ən böyük mənbələrinizdir. Yemək
mövzusu isə çox yerə görə daha uyğundur.
Universitetdə
hər zaman sizin birşeylər məsləhət almaq üçün yaxınlaşmağınızı gözləyən və kömək
etməkdən zövq alacaq olan professorlar və ya digər universitet işçiləri və təbii
ki digər yoldaşlarınız bu illərdə faydalana biləcəyiniz ən möhtəşəm mənbələrdir.
Bunların dəyərini, sahib olmadığınız
zaman başa düşə bilərsiniz.
3- Real təhsil
Hansı
ixtisasda təhsil alırsınızsa alın, sinifdə ala biləcəyiniz təhsil məhduddur. Bu
səbəbdən həm universitetdə staj alarsınız həm də universitet bitdikdən sonra uzun
bir müddət sizə stajyer kimi davranılar. Real bir iş təcrübəsi isə
sinifdəkindən 10 dəfə daha çətin amma ən az 10 dəfə də daha çox öyrədicidir. Bu səbəbdən bu təcrübəni
oxuyarkən qazanmaq size bir çox tərəfdən irəli keçirdər.
4- Real müştərilər
Universitetdə
bərabər işlədiyiniz dostlarınız xaricində qalan bütün tələbələr potensial müştərinizdir.
Açıq danışsaq bir məhsul yaratdığınızda əgər universitet tələbəsindən pul
qazanmağı bacardınızsa, bu iş həqiqətən uğurlu olmuşdur mənasını verir. Onlar
real müştərilərinizdir və ən vacibi viral reklam gücünə sahibdirlər, çünki hər
tələbənin onlarla tələbə dostu mövcuddur və tələbələr əllərindəki məhsul
haqqında "lovğalanmağı” sevirlər.
5- Potensial ortaqlar
Bir
düşünün, bir sonrakı "Zuckerberg" kitabxanada yanınızdakı masada oturur. Bəli,
universitet dövründə qazanacağınız dostlar həyatınızın geri qalanına müsbət təsir
edə bilər. İşinizi qurarkən qrup yoldaşlarınız, otaq yoldaşlarınız və ya o
dövrdə qazandığınız digər dostlarınız sizin iş ortağınız ola bilər. Həm güvənilir
həm də eyni düşüncə tərzində biri tapsanız eyni şəkildə risklər ala bilər və
çox daha sağlam halda işləyə bilərsiniz.
Sizə Lazım ola bilər
Sizə Lazım ola bilər
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!