WhatsApp-a daha bir maraqlı funksiya gəlir
Sosial Media
07.05.2017
Farid Pardashunas
Facebook-a məxsus olan WhatsApp messengerində yaxın zamanda GIF təsvirləri izləmək
mümkün olacaq. GIF təsvirlər bir çox messengerlər tərəfindən dəstəklənir. Lakin
bu bazarda lider olan WhatsAppuzun müddət yalnız standart fotolara üstünlük verirdi. GIF ilə olan
inteqrasiya messengerin IOS üçün nəzərdə tutulmuş versiyasının sonuncu
betasında aşkar edilmişdir. Messengerdə olan hər bir dəyişiklik haqqında məlumat
verən WABetaInfo adlı twitter bloqunun məlumatına əsasən messengerin
2.16.7.1 versiyası GIF təsvirləri avtomatik olaraq göstərir və söhbət zamanı
dialoqlara həmin GIF təsvirlərin linklərini yerləşdirir. Təbii ki, WhatsApp
üçün nəzərdə tutulmuş yeni funksiya Wire və GIPHY messengerlərinin GIF təsvirləri axtarmaq funksiyaları kimi ideal deyil. Lakin əsas müsbət cəhət ondan ibarətdir
ki, WhatsApp istifadəçiləri GIF təsvirlərə baxmaq üçün artıq brauzerdən istifadə
etməyəcəklər. WABetaInfo-nun qeyd etdiyinə görə həmin GIF təsvirləri adi fotolar
kimi smartfonun yaddaşında saxlamaq mümkün olacaq. IOS üçün nəzərdə tutulmuş
yeni versiya yaxın zamanda artıq çıxmalıdır. Çox güman ki, IOS-dən sonra GIF
funksiyasını messengerin Android versiyası üçün də əlavə edəcəklər.
Linki kopyala
Bənzər xəbərlər
Oxşar xəbərlər
Həftənin xəbərləri
