Yeni ekzoplanetlər kəşf edilib. Yad həyat forması 10 il ərzində aşkar edilə bilər
Digər
07.05.2017
Farid Pardashunas
Yer kürəsindən 49 işıq ili uzaqlığında yerləşən Trappist-1
ulduzu yaxınlığında şəraiti Yer-ə bənzəyən iki ekzoplanet aşkar edilib. Alimlər
güman edirlər ki, aşkar edilmiş ekzoplanetlərdə həyat mövcud ola bilər. Bunu müəyyən
etmək üçün isə 10 il vaxt lazımdır. Alimlərin güclü radioteleskoplar vasitəsilə
tapdıqları ekzoplanetlər ulduzdan elə bir məsafədə yerləşirlər ki, onların səthində
suyun varolması üçün hər bir şərait mövcuddur. Quruluşlarına görə onlar Venera,
Yer və Mars-a bənzəyirlər. Yaxın müddət ərzində alimlər hər iki planetin
atmosferini spektral analiz vasitəsilə müşahidə etməyi planlaşdırırlar. Onlar
planetlərin səthində canlı orqanizmlərin yaşayış tərzləri nəticəsində yaranan
qazları aşkar etməyi ümid edirlər. Massaçusets Texnologiya İnstitutundan olan Julien
de Wit qeyd edib ki, planetlər haqqında ətraflı məlumatlar 2018-ci ildə Webb
Space Telescope-un işə salınmasından sonra əldə olunacaq. 5-10 il ərzində alimlər
aşkar edilmiş planetlərdə həyatın var olub olmayacağını müəyyən edə biləcəklər.
Atmosferlərin müşahidəsi üçün isə daha 10-25 il vaxt lazım olacaq. "Əgər həmin
planetlərdə həyat varsa o çox qeyri-adi olmalıdır” – deyə Julien de Wit bildirib.
Buna baxmayaraq planetlərdə hansı növ canlıların olduğunu müəyyən etmək heçdə
asan olmayacaq. Bunlar ya bakteriya yada ki, şüurlu canlılar ola bilərlər.
Linki kopyala
Bənzər xəbərlər
Oxşar xəbərlər
Həftənin xəbərləri
