Yerli sosial şəbəkə Kvotter-in açıq beta tətbiqi artıq Play Store-da!
Digər
07.05.2017
Farid Pardashunas
Oxuduğunuz kitablardan bəyəndiyiniz sitatları paylaşmaq üçün nəzərdə tutulmuş Kvotter mobil sosial şəbəkəsinin Android telefonlarında hərkəsə açıq BETA versiyası istifadəyə verilmişdir. Kvotter-in verdiyi məlumata əsasən, bu mərhələdə istifadəçilərə aşağıdakı yeni funksiyalar təqdim edilib;
- Facebook və Google+ vasitəsi ilə də
sistemdə qeydiyyatdan keçmək, daxil olmaq mümkündür.
- Kvot paylaşdığınız mənbələrin yaddaşda saxlanılması təmin edilib.
- İstənilən "Kvotların” ŞƏKİL formatında
Facebook, Instagram, Twitter, Pinterest və digər platformalar vasitəsilə
paylaşma imkanı yaradılıb.
- Dostların dəvət edilmə funksiyası ilə kvot mühitinizi daha da genişləndirə
bilərsiniz.
- Və ən əsas artıq GALLERY-dən şəkillərin götürülməsi də mümkün olacaq ki, daha
əvvəl yaddaşda saxladığınız kitab və ya mətn şəkillərini kvot olaraq paylaşa
biləsiniz.
Kvotter tətbiqini Android smartfonunuza yükləmək üçün bu linkə daxil ola bilərsiniz. Qeyd edək ki, yaxın zamanda iOS
üçün də tətbiqin təqdim olunması gözlənilir, Android istifadəçiləri isə bu tətbiqdən artıq
yararlana bilərlər.
Kvotter Azərbaycanlı gənc
təşəbbüskarlar tərəfindən hazırlansa da qlobal bazarı hədəfləyir. Bundan öncə Yeni Fikir 2016 və SeedStars Baku müsabiqələrinin qalibi olmuş startap, Sentyabr
ayında San-Fransisco-da keçiriləcək TechCrunch
Disrupt tədbirində iştirak edərək, qlobal bazara çıxış üçün
investorlar ilə görüşlərdə olmuşdu və Technote facebook səhifəsində sizə bu tədbirdən canlı olaraq yayım da edilmişdi. Bundan başqa 2017-ci ilin Aprel ayında İsveçrədə keçiriləcək SeedStars World tədbirində Azərbaycanı təmsil edərək, 500 min dollar uğrunda mübarizə aparacaq.
Linki kopyala
Bənzər xəbərlər
Oxşar xəbərlər
Həftənin xəbərləri
Huawei Pura 70 və Pura 70 Pro təqdim olunublar - QİYMƏTİ
Telegram-ın yaradıcısı Pavel Durov geniş müsahibə verib (VİDEO)