Reklam
Apple şirkəti yeni biometrik identifikasiya texnologiyası üzərində çalışır

Apple şirkəti yeni biometrik identifikasiya texnologiyası üzərində çalışır

Texnologiya
13.09.2019 PAYLAŞIM

    Gələcək iPhone modellərində tamamilə yeni dizayndan əlavə olaraq ekrana inteqrasiya edilmiş barmaq izi skanı texnologiyasının olacağı gözlənilir. Lakin məlum olub ki, Apple şirkəti həmçinin öz cihazları üçün tamamilə yeni biometrik identifiksiya üsulu üzərində çalışır. Belə ki, şirkət yeni identifikasiya üsulunun patentini əldə edib. Bu barədə Appleinsider saytı xəbər verib. Şirkətin əldə etdiyi yeni patentdə istifadəçinin şəxsiyyət identifikasiyasının əl ovucu vasitəsilə reallaşdırılması əks olunub.


    Həmin texnologiya şirkətin məhsullarında olan Tocuh ID texnologiyasının prinsipi əsasında çalışır. Lakin yeni texnologiya istifadəçi barmağının təsviri yerinə ovucda olan qan damarlarının unikal strukturunu skan edir. Texnologiyanın patentdəki təsvirinə əsasən smartfonun ekranı bir neçə laydan və foto diodlardan ibarət olmalıdır. Foto diodlar isə infraqırmızı işığı əks etdirərək qan damarlarını təyin edə bilirlər. Skan prosesinin yüksək dəqiqliyinin təmin olunması üçün həmçinin görünən spektrin işığından da istifadə edilir. Bu yeni identifikasiya üsulu həmçinin istifadəçinin səhhətinin monitorinqində də istifadə oluna bilər. Məsələn qan damarlarının skan olunması damar şişkinliklərini, trombları və ya digər problemləri aşkar edə bilər.

    Maraqlısı ondadır ki, skan prosesi hətta istifadəçinin cihazdan istifadə etdiyi müddətdə də reallaşdırıla bilər. Ənənəvi olaraq qeyd etmək lazımdır ki, bu cür texnologiyanın patentinin əldə olunması o demək deyil ki, şirkət bu texnologiyanı öz məhsullarında dəqiq şəkildə reallaşdıracaq. Lakin onu da qeyd etmək lazımdır ki, şirkət son zamanlarda alıcıların səhhət məsələsinə çox fikir verir. Buna sübut olaraq Apple Watch smart saatlarındakı yeni özəllikləri gətirmək olar. Buna görə də bu yeni biometrik identifikasiya texnologiyasının reallaşdırılma şansı çox böyükdür.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Apple AirPods Pro 2 qulaqlıqlarının render fotoları və yeni məlumatları təqdim e..

Vaxtı ikən AirPods 3 qulaqlıqlarının fotolarını təqdim etmiş 52audio saytı bu dəfə AirPods Pro 2 qul..


Apple şirkətinin qarışıq reallıq (AR + VR) cihazı gələn ilin əvvəlində satışa çı..

Məşhur analitik Ming-Chi Kuo Apple şirkətinin qarışıq reallıq (AR + VR) cihazının satış tarixi barəs..


ABŞ-da bakteriyalar əsasında yeni bioloji batareya yaradılıb

Nyu-York ştatında yerləşən Binhemton Universitetinin mütəxəssisləri bakteriyalar əsasında enerji bat..


Yaxın zamanda smartfonlar üçün 240 vatt gücündə sürətli şarj texnologiyası istif..

İnternet resursların verdikləri məlumata əsasən yaxın zamanda smartfonların batareyaları üçün nəzərd..


Huawei yeni naqilsiz FreeBuds Pro 2 qulaqlıqlarını təqdim edib - QİYMƏTİ

Huawei şirkəti naqilsiz FreeBuds Pro 2 qulaqlıqlarını təqdim edib.


Amazon Alexa hətta vəfat etmiş insanların səsləri vasitəsilə danışa biləcək..

Amazon şirkəti dünən Las Veqasda keçirilmiş Re:Mars adlı konfrans çərçivəsində etik nöqteyi nəzərdən..

×