Microsoft şirkəti TypeScript/JavaScript və C++ üçün İntelliCode reallaşdırdı
Digər
Code-News
11.12.2018
Farid Pardashunas
#Step IT Academy tərəfindən təqdim olunur
Microsoft Visual Studio Code-da TypeScript/JavaScript və Visual Studio-da C++ üçün intellektual köməkçilər funksiyasını yaratdı. Kod yazıldığı zaman İntellicode genişlənməsi komandaların bitmə variantlarını əlifba sırası ilə yox, kontekstə uyğun olaraq çıxarır. Bu məsləhətlər ümumi siyahıda ulduzlar ilə işarələnir.
Typescript/JavaScript üçün İntellicode genişlənməsi Visual Studio Code-un genişlənmələr mağazasına və tekst redaktorunun “Genişlənmələr” hissəsinə yerləşdirilib. Yüklənmədən sonra heç bir əməliyyat tələb olunmur - redaktorda işə başlamaq kifayət edir, sistem özü məsləhətlər verməyə başlayacaq.
Yaradıcıların dediyinə görə, genişlənmə həmçinin JS-kitabxanalar üzrə yönlənmədə də köməkçi olacaq, üstəlik proqramlaşdırmanın sahəsindən asılı olmayaraq: İstər klient tərəfli React, Angular, Vue, istərsə də server tərəfli Node.js və ya Express.
IntelliCode C++ üçün
Visual Studio 2019-da C++ üçün IntelliCode genişlənməsini marketpleysdən yükləmək olar.
Genişlənmənin yaradıcıları söz verirlər ki, tezliklə İntellicode proqramçının öz yazdığı kod əsasında öyrənərək təkmilləşəcək. Hələ ki, “ağıllı” köməkçilər özgə layihələrin analizinin nəticəsidir.
Həmçinin, komanda C++ üçün İntelliCode-un VS Code-a da əlavə edilməsini düşünür.
Microsoft İntelliCode-u Build 2018 konfransında relevant köməkçiləri göstərməklə kod yaradıcılığını sürətləndirən sistem kimi təqdim edib. 2018-ci ilin may ayında funksiya yalnız Visual Studio 2017-də C# üzrə işləyə bilirdi, bir neçə ay sonra isə İntellicode-un Visual Studio Code-da Python üçün dəstəyi təqdim olundu.
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)