1000$-ın yoxdursa giriş qadağandır. Varlı insanların övladları üçün sosial şəbəkə
Elm & Texnologiya
07.05.2017
Farid Pardashunas
Günümüzdə sosial şəbəkələrsiz keçinmək mümkünsüzdür. İnsanların ünsiyyət qurmağa və yeni insanlarla tanış olmağa ehtiyacları var.
Facebook və Twitter kimi sosial şəbəkələrdən
başqa eksklüziv sosial şəbəkələr də mövcuddur. Həmin sosial şəbəkələr müxtəlif
növ insanlar üçün nəzərdə tutulmuşdur. Məsələn musiqiçilər, rəssamlar və s.
Lakin Rich Kids adlı sosial şəbəkə sözün əsl mənasında yeni bir trend yaradacaq
platformadır. İlk görünüşdən zarafat kimi görünsə də bu sosial şəbəkə varlı insanların
övladları üçün nəzərdə tutulub və aylıq abunə haqqı 1000$-dır. Bu cür yüksək
abunə haqqı ilə Rich Kids "ən eksklüziv sosial şəbəkə” adına layiqdir. Belə ki,
digər məşhur sosial şəbəkələr istifadəçilərdən aylıq abunə haqqı tələb etmir.
Bununla yanaşı siz sözgüdən sosial şəbəkədən Facebook səhifəniz vasitəsilə
qeydiyyatdan keçə bilərsiniz. Lakin ondan o tərəfə getmək mümkün olmayacaq. "Technote.az"ın "Hi-news.ru"a istinadən verdiyi xəbərə əsasən sosial şəbəkənin əsas funksiyalarından istifadə etmək üçün siz 1000$ ödəməli
olacaqsınız. Rich Kids-in yaradıcıları öz sosial şəbəkələrinin sloqanını bu cür
tərtib ediblər. "1000$ sizin üçün bahalıdır? Deməli bu sosial şəbəkə sizin üçün
deyil”.
Bu qədər yüksək abuna haqqının əvəzində
istifadəçilər nə əldə edirlər? Qeydiyyatdan keçmiş istifadəçiyə zəmanət verilir
ki, bu sosial şəbəkədə maddi cəhətdən imkansız heç bir insan qeydiyyatdan keçməyəcək.
Belə ki, bu onun cibinə uyğun olmayacaq. Varlı olmayan gənclər sadəcə olaraq
varlı yaşıdlarının necə yaşadıqlarına baxa biləcəklər. Adi insanlar sözügedən
sosial şəbəkədə hər-hansı bir fotoya nə komment yaza biləcək nədəki istədiyi
fotonu paylaşa biləcəklər. Günümüzdə sosial ədalətsizlik bu cür görünür. Əgər səni
heç kim görmürsə varlı olmaq darıxdırıcıdır. Əgər siz düşünürsünüz ki, bu ideya
çox mənasızdır, böyük ehtimal ilə siz haqlısınız. Lakin bu məsələdə bir fərqlilik
var. Varlı gənclər öz bahalı geyimlərini, avtomobillərini, texnoloji
cihazlarını və s. göstərişə qoymaq üçün aylıq 1000$ ödəyəcəklər. Əldə olunmuş vəsaitin
1/3 hissəsi isə uşaq xeyriyyəçilik təşkilatlarına bağışlanacaq. Varlı gənclərin
hesabına inkişafda olan ölkələrdə yaşayan və maddi cəhətdən korluq çəkən
uşaqlar qida, təhsil və tibbi yardım ilə təmin olunacaqlar. Beləliklə əslində
bu layihə heçdə pis deyil.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Xiaomi 14 seriyasına süni intellekt əlavə ediləcək!