Alimlər dünyadakı ən çətin dili təyin ediblər
07.05.2017
Farid Pardashunas
Alimlər öyrənilməsi ən çətin dili müəyyən ediblər.
Həmin dil Pirahan xalqının dili
olub. Belə ki, onlarda adi danışıq dili əvəzinə fit səslərindən istifadə
olunur. Braziliyanın Amazon cəngəlliklərində yaşayan Pirahan xalqının dili, öyrənilməsi
ən çətin dil müəyyən edilib. Bunun başlıca səbəbi həmin qəbilənin nümayəndələrinin
danışıqda müxtəlif fit səslərindən istifadə etmələridir. Təbii ki, onların
dilində samitlər də var. Lakin onlar çox azdırlar. Qəbilə nümayəndələri əsasən
bir-birilərinə məlumatı ötürmək üçün müxtəlif növ səsləri fit ilə çatdırırlar.
Fit səsi adi danışıq dilindən bərk səsləndiyi üçün o dildə uzun məsafələrdə
danışmaq mümkündür.
"Technote.az”ın "Mir24.tv”ə
istinadən verdiyi xəbərə əsasən ilk baxışdan eyni olan səslər tonallıqlarına
görə də fərqlənirlər. Həmçinin fit səsi ilə ova çıxmaq da səmərəli hesab
edilir. Belə ki, fit səsi ilə ovu aldatmaq mümkündür. Pirahan xalqının dilində
rəqəm və rənglərin təyin edilməsi yoxdur. Rəqəmləri hər zaman əllər vasitəsilə
göstərmək olar. Ticarət əlaqələrində isə barterdən istifadə olunur. Rənglərin əvəzinə
pirahanlılar müəyyən rəngə bənzər əşyadan bəhs edirlər. Onların dillərindəki fellərdə zaman, isimlərin isə növləri yoxdur. Pirahanlıların dilində ümumilikdə
350 nəfər insan danışır. Bununla yanaşı qadınlar kişilərdən daha az samitlərdən
istifadə edirlər.
Linki kopyala
Bənzər xəbərlər
Oxşar xəbərlər
Həftənin xəbərləri
