Amerikalı alimlər qan xərçənginin müalicəsinə nail olublar
Digər
07.05.2017
Farid Pardashunas
Fred Hutchinson adına onkoloji müşahidələr mərkəzindən olan
həkim Stanley Riddell Pensilvaniya və Pittsburq universitetlərindən olan əməkdaşları
ilə birlikdə qanın onkoloji xəstəliklərinin müalicə olunmasında böyük uğurlara
imza atıb. Onların müalicə üsulu T immun hüceyrələrinin xərçəng hüceyrələrini məhv
etməyə öyrəşdirməkdən ibarətdir. Nəticədə sağalması qeyri-mümkün görünən xəstələr
belə sağalıblar. Təcrübədə lenfoblastik leykoz diaqnozlu 29 nəfər iştirak
etmişdir. Yenilənmiş T limfositlərin köməyi ilə aparılmış müalicə sonrası 27 nəfərin
sümük iliyində xərçəng hüceyrələri tamamilə yox olmuşdu. Təcrübəni aparmış mütəxəssislərdən
birinin sözlərinə görə onlar bu üsulun hazırlanmasına 15 il vaxt sərf ediblər.
"Mən heç vaxt sümük iliyində çoxlu sayda xərçəng hüceyrələri
olmuş ilk xəstəni unutmayacam. Müalicədən sonra mən mikroskopla müşahidə aparmışdım.
Nəticədə heç bir xərçəng hüceyrəsinə rast gəlməmişdim. Bu fantastikadır”. Mütəxəssislər
lenfoblastik leykoz diaqnozlu insanların immun hüceyrələrindən istifadə ediblər.
Bu üsul ilə alınmış yeni T limfositlər xərçəng üçün spesifik olan reseptorlara
sahib olublar. Həmin reseptorlar xərçəng hüceyrələrini tapıb məhv etməyə imkan
verir. Nəzəri cəhətdən immun hüceyrələri istənilən onkoloji xəstəliyin
qarşısını almaq üçün öyrəşdirmək olar. Adətən T limfositlər ilə xərçəng hüceyrələri
arasındakı mübarizə zamanı xəstə yüksək temperatur, ümumi zəiflik hiss edir.
Lakin yeni üsul ilə müalicə zamanı mənfi cəhətlər daha rahat dəff olunur nəinki
kimyəvi terapiya zamanı. Hal-hazırda isə Stanley Riddell öz əməkdaşları ilə
yeni nəsil T limfositlərin alınması üzərində çalışır.
Linki kopyala
Bənzər xəbərlər
Oxşar xəbərlər
Həftənin xəbərləri
