main-post-cover

    Android 7.0 Nougat daha təhlükəsiz olacaq

    Elm & Texnologiya
    07.05.2017
    Farid Pardashunas
    Antivirus və digər təhlükəsizlik tətbiqlərinin hazırlanması üzrə fəaliyyət göstərən Symantec şirkəti Android 7.0-də trojan viruslarına qarşı olan gizli xüsusiyyətlər haqqında məlumat verib. Həmin gizli funksiyalar istifadəçilərdən smartfonun deaktiv vəziyyətindən çıxarılmasına görə müəyyən vəsaitin alınmasının qarşını alacaq. Yüzlərlə trojan virus növləri var hansılar ki, smartfon və ya planşetə yayılandan sonra istifadəçinin cihazını deaktiv edir. Daha sonra hacker istifadəçidən cihazı yenidən aktiv vəziyyətə gətirmək üçün müəyyən vəsait tələb edir. Symantec mütəxəssislərinin verdikləri məlumata əsasən Android 7.0 Nougat-dakı xüsusi və gizli funksiyalar bu cür halların qarşını alacaq. ResetPassword API-nin yeni funksiyaları interfeysə şifrənin yalnız ilkin daxil edilməsi üçün nəzərdə tutulub. Yəni istənilən halda şifrəni dəyişmək mümkün olmayacaq. Android 7.0 Nougat-da qrafik açarı və ya şifrəni istifadəçi özü ayarlar bölməsindən daha öncəki açar və şifrəni daxil edəndən sonra dəyişə biləcək. Nəticədə trojan virusu cihazların şifrələrini və qrafik açarlarını özü avtomatik dəyişə bilməyərək istifadəçinin məlumatlarını əldə edə bilməyəcək. 
    Linki kopyala