Apple-ın 2015-ci ildə ən uğursuz 5 məhsul dizaynı
Elm & Texnologiya
07.05.2017
Farid Pardashunas
2015-ci ildə Apple bir neçə yeni məhsul satışa çıxartdı. Və bu məhsullarının bəzilərinin dizaynı heçdə ürək açan deyil. Technote sizlərə bu il ərzində Apple tərəfindən təqdim olunmuş 5 ən uğursuz məhsul dizaynı ilə tanış edəcək
1. Magic Mouse 2-in Lightning çıxışı
Magic Mouse 2 daxili akkumlyator ilə işləyir. Baxmayaraqki çox qısa müddətdə o enerji yığır (9 saat işləməsi üçün 2 dəqiqə enerji yığması bəs edir) onun dizaynını tənqid edən insan qalmadı. Səbəbi isə enerji yığmaq üçün lazım olan lightning çıxışının mouse-un alt tərəfində olmasıdır. Beləki mouse enerji yığan zaman ondan istifadə mümkünsüzdür.
2. iPhone 6S üçün "qozbel" case
Dekabrın əvvəlindən Apple yeni Smart Battery Case-ləri satışa çıxartmağa başladı. O telefona əlavə enerji verməklə yanaşı bir çox fiziki zədələrdən qoruyur. Onun dizaynı isə demək olarki hər kəsi şoka saldı. Heç kim Apple-dan belə kobud dizaynda bir şey gözləmirdi.
3. iPod Pro vasitəsilə Apple Pencil-ın enerji təmini
Pencil çox kiçik batareya ilə təchiz olunub. 15 saniyə enerji yığması onun yarım saat işləməsinə bəs edər. Lakin bu enerji yığımı qəribə formada həyata keçirilir. Pencili iPad Pro-nun lightning çıxışına qoşmaq lazımdır. Lakin bu üsulun rahatlığına şübhəmiz var həmçinin stilusun fiziki zədə almaq ehtimalını artırır.
4. İşıqlı "alma"sız yeni MacBook
Yeni Macbook-lar şirkətin ən nazik və yüngül notebooklarıdır. Fanatların hirsinə səbəb olan şey isə - MacBook- qapağında olan "alma" işarəsinin artıq işıq saçmaması oldu. Apple isə bunu notebookun çəkisini daha da azaltmaq üçün etdiklərini bildirdi.
5. iPad Pro üçün yeni Smart Keyboard
Bir çox istifadəçilər hələ də sensor klaviatura yerinə fiziki düymələri üstün tutur. Bunu nəzərə alan Apple özünün yeni iPad-ları üçün əlavə klaviaturalar hazırladı. Təəssüfki daxili işıqlanması olmadan. Beləki qaranlıq vaxtı bu klaviaturadan istifadə bir mənalı şəkildə mümkünsüz olur
Linki kopyala
Bənzər xəbərlər
Oxşar xəbərlər
Həftənin xəbərləri
