iOS 8.3 və üzəri cihazlar üçün haazırlanan e-mail proqramlarından biri olan Spark, yayımlanan son versiyası ilə platformanın böyük ekranlı cihazlarında da işləməyə başlayıb.
Uzun müddətdir ki, marketdə yer alan Spark, ümumi olaraq daha da inkişaf etdirilmiş e-mail servisi olaraq işləyir. Gələn məktubları avtomatik olaraq kateqosiyalara ayıran və beləcə istifadəni daha da asanlaşdıran proqram, sadə sürüşdürmə hərəkətləri ilə idarə olunur. Həmçinin proqramın özündə fərqli planlamalar üçün də xüsusi bir təqvim var.
Ağıllı axtarış sistemi ilə diqqət çəkən Spark, Apple Watch proqramı ilə birbaşa əlaqə yaradır və insanların saat üzərindən də e-mailləri oxuyub cavablandırmasına şərait yaradır. iCloud Drive, Google Drive, Dropbox, OneDrive, Readability, Pocket, Evernote və OneNote kimi populyar servisləri də əlavə etməklə daha çox funksional olur. Yayımlanan son versiyası ilə artıq iPad modelləriylə də işləyə bilir. iPad Pro’ya da dəstək verən proqram, artıq cihazla sinxronizasiya oluna bilir və bir çox dilləri dəstəkləyir.
Şərh yoxdur