.Az domeni qeydiyyatı - Keçmişi və Bugünü!
Elm & Texnologiya
07.05.2017
Farid Pardashunas
Domen almaq, sayt sahibi olmaq, öz blogunu və ya e-ticarət saytını yaratmaq hazırda sizlərə nə qədər də asan görünür elə deyilmi? Bəs bu əvvəllər necə idi? Məsələn .az domeni satın almaq üçün çox yox sadəcə 5 il əvvəl hansı prosedurlardan keçmək lazım idi?
Çox uzağa getməyək,
elə götürək yaxın qonşumuz Yaponiyanı. Zarafat bir yana 5 il əvvələ nəzər salaq. Hələ o vaxtdan internetin inkişafı, internetə olan tələbat artdıqca
günü-gündən .az domeni ilə saytların sayı artırdı. Lakin .az domeni ilə sayt
açmaq başdan-ayağa zülm idi, necəmi?
2011-ci ildə Azərbaycanda domen adını qeydiyyatdan keçirmək üçün ilk
olaraq, ərizə formasını hazırlayıb, domains@nt.az elektron ünvanına göndərmək tələb olunurdu. Məktubun cavabı gəldikdən
sonra şəxsiyyət vəsiqəsi ilə Network Technologies şirkətinə müraciət etməli
olurdunuz. Bakı şəhərində yaşamayanlar üçün bu əlavə əziyyət olurdu və öz
saytını yaratmaq üçün Balakən rayonundan bir şəxs, domen almaq üçün Bakıya qədər
yol qət etməli idi. Bu isə əlavə xərc demək idi. Domenin qeydiyyatı və texniki
dəstək isə 40 azn təşkil edirdi. Texniki dəstəyin təminatı üçün hər il 20 AZN ödənməli
idi. Qısacası oxuduqda belə gözümüzün qorxduğu bu prosedur bir neçə il əvvəlin
reallığı idi.
Lakin artıq hər şey
fərqlidir. .Az domeni qeydiyyatdan keçirmək üçün sadəcə onun iki rəsmi satış məntəqəsinin
saytlarından birinə daxil olmaq, bəyəndiyiniz domen adının boş olub olmadığını
yoxlamaq və onlayn olaraq debit və ya kredit kartınızla, portmanat hesabınızla
domenin pulunu ödəməyiniz kifayətdir. Bunun üçün tələb olunan tək sənəd Azərbaycan
Respublikası vətəndaşı olduğunuzu təsdiq edən şəxsiyyət vəsiqəsidir ki, bunu da
onlayn üsulda təsdiqləyirsiniz.
Misal üçün siz
Technotekopyasisayt.az domeni ilə bir sayt almaq istəyirsiniz. Artıq uzun uzadı
prosedurlar əvəzində sadəcə Smarthost.az-a daxil olaraq aşağıdakı şəkildə görəcəyiniz
axtarış bölməsindən domen adınızın boş-olub olmadığını yoxlaya bilərsiniz.
Qeydiyyatdan
keçdikdən sonra səbətinizə əlavə edəcəyiniz domen adınız üçün 40 azn ödəyərək
onun rəsmi və yeganə sahibi ola bilərsiniz.
Sadəcə bir neçə addımdan ibarət prosedur ardıcıllığını tamamlayaraq öz domen adınıza sahib ola biləcəyiniz bir dövrdə yaşayarkən hələ də internetdən pul qazanıla biləcəyinə inanmayan insanlar da mövcuddur. Lakin əminliklə deyə bilərik ki, 5 il ərzində sadəcə bu prosedurlar asanlaşmayıb. 5 il ərzində internet istifadəçilərimizin sayı dəfələrlə artıb. Saytların sayı dəfələrlə artıb və dolayısı ilə internetdən pul qazanan şəxslər və şirkətlərin sayıda dəfələrlə artıb. İnternet hər kəs üçün ikinci, hətta ən gəlirli iş sahəsi ola bilər.
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)