“Barama” İnnovasiya və sahibkarlıq mərkəzi

TECHNOTE @technote TECHNOTE logo icon

Azercell şirkətinin korperativ sosial məsuliyyət çərçivəsində həyata keçirdiyi Barama innovasiya və sahibkarlıq mərkəzi 2009-cu ildə yerli sahibkarlara və yaranmaqda olan şirkətlərə dəstək məqsədilə yaradıldı. Fəaliyyətdə olduğu 6 il ərzində bir çox uğurlara imza atan Barama inkubasiya mərkəzi əsasən startup ekosisteminin üzvlərinin sevimli məkanına çevrilməyi bacarıb. Hal hazırda fəaliyyətini uğurla davam etdirən bu mərkəz yerli startupçılara dəstək məqsədilə yeni addımlar atmaqdadır. Bakı Dövlət Universitetində tələbələr üçün Barama studiasının yaradılması mərkəzin yaxın zamanda həyata keçirəcəyi tədbirlər planına daxildir. Əsasən texnologiya və innovasiya yönümlü layihələrə dəstək verən bu mərkəz üzvlərinin bütün təlabatını nəzərə alaraq onlar üçün əlverişli biznes mühiti yaradır.
Aydındır ki, bir biznesi formalaşdırmaq üçün uzun zaman, xüsusi imkanlar və ən əsası əlverişli şərait tələb olunur. Təbii ki, bir biznesin əsasında uğurlu ideya, bacarıqlı kollektiv və icraat ən vacib amillərdir. Bəzən elə situasiyalar yaşanır ki, çox gözəl ideya və bacarığı olan gənclər öz fəaliyyətlərini həyata keçirmək və əməklərini bir araya gətirmək üçün bəzi imkanlardan istifadə edə bilmirlər. Bu imkanlara ofis, avadanlıq, investor, korperativ əlaqələr, strategiya və məsləhətlər, biznes inkişaf proqramları daxildir. Barama innovasiya mərkəzi məhz bu problemləri aradan qaldırmaq, gənc istedadlara dəstək vermək onlar üçün əlverişli şərait yaratmaq və ən əsası Azərbaycanda yeni formalaşan startup sisteminə öz töhvəsini vermək üçün mövcuddur.

Öz ideyasını formalaşdırmaq, gələcəkdə biznesə sahib olmaq, kollektivlə işləmək, xeyallarını gerçəyə çevirmək istəyən şəxslər rahatlıqla Baramın təqdim etdiyi imkanlardan təmənnasız faydalana bilərlər. Technote media olaraq sizi Barama ilə daha yaxından tanış etmək istəyirik.

Gözəl mənzərəli geniş açıq işçi sahəsi- Yüksək sürətli internet, rahat iş masası və ümümi avadanlıqlar gün ərzində sizin ixtiyarınızdadır.

Layihələr üzrə şirkətinizə dəvət etdiyiniz qonaqları qarşılamaq ən əsası toplantılar üçün 10 nəfərlik geniş otaq.

Xüsusi tədbir və təqdimatların həyata keçirilməsi üçün ağıllı ekranla təchiz olunmuş 60 nəfərlik konfrans zalı.

Asudə vaxtlarınızı əyləncəli keçirmək və işin stresin üzərinizdən atmaq üçün əyləncə zalı gün ərzində ixtiyarınızdadır. 2 nəfərlik istirahət guşəsi isə ağır iş günün sonunda yükü üzərinizdən atmaq üçün əla seçimdir.

Baramanın təklif etdiyi bu üstünlüklərdən yararlanmaq, biznesinizi formalaşdırmaq üçün ideanızı təklif edə bilərsiniz. Bunun üçün keçiddən istifadə edərək dərhal ideyanızı təklif edin: http://barama.az/ideya